神山麺屋 (創紀之城五期(apm))

Open Now

Now Closed

觀塘呢間以沾面出名既拉面店，唔少朋友食過都向我介紹話正。出開APM，又唔想光顧大型連鎖餐廳，醒起呢間拉面，一於試下啦！去到睇餐牌，先發現原來唔止沾面架喎，仲有好多有湯拉面！由於呢日落大雨，天氣涼涼地，想食返個湯面，於是就放棄左沾面，揀左呢個拉面！唔算好肚餓，所以湯底揀左蕃茄底，想開胃Ｄ！面底無得揀軟硬，不過佢煮得岩岩好，仲好彈牙！配菜揀左豚肉，果然無令我失望呀！好有豬既鮮味，淡淡既豬味幾岩蕃茄湯！而且Ｄ肉都幾多，夠晒！半熟蛋做得好成功，好流心！蛋控表示呢隻蛋絕對會為個拉加分！幾特別係有球薯蓉係入面，不過作用不大，到底要撈埋黎食定分開食架呢？但OVERALL黎講，都係一個幾高分既拉面，絕對都唔輸沾面喎！