123
51
17
2-min walk from Exit A2, Kwun Tong MTR Station continue reading
Telephone
31481321
Introduction
This ramen shop is originally from Tokyo. The soup was cooked for over 12 hours with pork bone, pork, and seafood. The dumplings which exclusively launched in Hong Kong branch are recommended too. continue reading
Opening Hours
Today
11:00 - 00:00
Mon - Sun
11:00 - 00:00
Payment Method
Visa Master Cash
Review (232)
Level4 2018-08-30
1322 views
因為友人想試下呢間東京人氣沾麵店,等位需時又唔耐,就黎試下呢間嘅沾麵啦!兩人被安排bar 枱座位自成一角都唔錯!餐具都印有富士山🗻圖案。呢個位置視覺效果都幾好!雜果特飲 好飲嘅雜果賓治菠蘿特飲唔會太甜,都幾多菠蘿果肉。和風蘋果沙律$45食材新鮮爽口,味道開胃。將蘋果、青瓜、火腿扒均切成粗條,配上蜜餞、粟米片、蟹子增加口感,醬汁係沙律醬帶點wasabi ge調味。藥膳雞 $38有花雕香,但酒味唔濃。估唔到竟然會日本拉麵店食到醉雞。高菜叉燒小碗炒飯 $42呢度嘅炒飯係即叫即炒, 粒粒飯都俾蛋包裹到,主要有雪菜、叉燒,食落啖啖配料!神山湯餃子 $38第一次將煎過嘅餃子再放湯食,又真係另一種感覺!神山沾汁麵$85麵質粗身彈牙,唔會漿住一團,沾汁濃稠唔咸有魚介粉,掛汁能力強。份量雖一人前,有兩塊激厚豚角,肥膏部分係爽口嘅,好惹味。好彩脂肪共享 概念一碗兩人share岩岩好! continue reading
(The above review is the personal opinion of an user which does not represent OpenRice's point of view.)
Level4 2018-07-05
2883 views
間唔中都會行吓觀塘,有時都會食拉麵,發現同一個位置的拉麵店轉咗格局,而且門外等候的人可真不少,所以按捺不住等埋一份。近門口的位置有一條長長的吧枱,旁邊的就是方桌,部份仲有卡位設計。職員們的服務態度真係非常好,個個面露笑容,仲會即時遞上餐牌,而且跟客人有交流。神海老沾汁麵正值做緊限量推廣,當然唔可以錯過。神海老好大隻,中間經已開邊,醬汁酸酸甜甜,蝦殼亦非常容易脫開,裡面的肉非常厚和彈牙。沾麵本身是帶點硬,不過浸了沾汁之後,是外軟內爽的。神山湯餃子外面煎得香口,而裡面的餡料很軟熟,索埋個湯更加入味,有點要跟他搶食呢~唐揚豆池魚一條條炸池魚,十分可愛。炸粉是超薄的,不過也會食得到脆脆的口感,而裡面係熱到噴煙,肉質是軟綿綿的,用來佐酒或者伴特色飲品真係一流。講到飲品,他點了雜果特飲,而我的就是菠蘿特飲。裡面的果肉都唔少,而冰唔太多,他那杯味道是甜甜的,而我的是甜中帶酸。茄子披薩以茄子的外邊做薄餅底,非常特別,加上薄餅的配料,味道是有少少辣,是惹味的一種。雙色牛舌就是以不同方式去泡製牛舌,碗上的一邊食到牛舌的原味,是很軟身和香滑。而另一邊以醬汁調製,牛舌索咗不少醬汁,更突顯牛舌的 juicy。 continue reading
(The above review is the personal opinion of an user which does not represent OpenRice's point of view.)
Level4 2018-06-27
1999 views
香港人愛吃日本拉麵,所以無論海外來港或本地品牌都有捧場客,現在連日本沾麵都開始熱起來!!今天得意和家人來到位於觀塘apm的<神山拉麵>一嚐美味沾麵雜果特飲(左),菠蘿特飲(右)炎炎夏日當然要先來兩杯冰凍特飲雜果特飲是味道甜甜的fruit punch,菠蘿特飲汁酸酸甜甜滿滿的菠蘿味,好飲又解渴。<和風蘋果沙律>絕對是喜出望外的沙律!有大量的蘋果粗條,每條都輕輕沾有帶有蟹子的沙律輕汁,再加上面頭撒上粟米脆片和提子乾以增加口感,非常好吃。<藥膳雞>又是令人喜出望外的一道冷盤,帶有淡淡的酒香呢厚切的雞件非常嫩滑而且充滿骨膠原的感覺,超正<唐揚豆池魚>短小而肥嘟嘟的豆池魚經唐揚後外層很鬆化但又不會乾爭爭,成條連骨都可以食埋,鈣質豐富。<神山湯餃子>老公很喜歡吃餃子,無論是煎餃還是湯餃。這個湯餃子有著濃濃的湯汁浸著,非常惹味。<神海老沾汁麵>終於來到戲肉!!!海老沾汁麵一放低已經香氣四溢,蝦味濃郁。肉質彈牙的巨蝦差唔多有成隻碗咁大隻!!沾麵湯汁亦不容小看,質地超濃厚,味道濃郁,充滿蝦膏香,鮮!甜!甘!美!爽滑彈牙的沾麵浸入濃濃的湯汁中,絕對是無比的享受。溏心蛋亦不容小看,有圖有真相,溏心的程度破表。<神山沾汁麵>愛好肉類的老公選了神山沾汁麵。上台的時候我們都被那兩舊大大舊的烤肉嚇了一跳。肥瘦相間的巨型五花腩經火烤後帶有微微的燒烤香氣,感覺上沒那般油膩,而且肉汁非常香滑,非常邪惡。沾麵汁同樣非常濃厚,可以緊緊的掛著爽滑彈牙的沾麵上,味道比較濃郁,適合喜愛重口味啲朋友來。 continue reading
(The above review is the personal opinion of an user which does not represent OpenRice's point of view.)
Level4 2018-06-23
1498 views
觀塘嘅APM最近開咗間來自日本過江龍嘅Jim面店,叫神山麵屋。以前呢個鋪位都係不同拉麵店嘅聚腳地,今次亦都唔例外。平時拉麵店都係只有拉麵同埋餃子等小食,比較驚喜就係呢一間嘅小食種類都非常之多。和風蘋果沙律加入左爽脆的青瓜,玉子,份量好多而且又開胃。唐揚豆池魚炸得香脆的小魚最啱趁熱食,有杯啤酒就最好啦雙色牛舌一凍一熱,凍食牛舌係厚切,普通加上少少酸甜嘅沙律醋,熱就是薄切比較重的酸甜。神山湯餃子魚介的湯頭加左餃子,未食麵之前就有得暖下胃。餃子只包子菜和豬肉,簡單但好滿足。鋪在底的菠菜吸哂湯汁,記得食埋!期間限定四隻字從來都係吸引我嘅原因,今次亦都一樣,叫左一個神之海老沾麵。稱為神,相信無論份量同味道都一定同其他蝦差天共地。上台之後簡直就係驚喜,雖然得一隻蝦但超級大隻。入口蝦肉彈牙,分量十足。沾湯幾時都係一碗沾麵嘅靈魂,湯頭用咗蝦殼同埋蝦膏而煲,入口香濃鮮味十足。令人好想再食!而且湯底好熱,不用擔心會像食冷麵的感覺。放置室溫底下的麵質粗身為主,但係入口都係彈牙,有少少煙韌而且掛湯力強,每一啖面都充分沾上蝦湯,一大享受。溏心蛋好入味,金黃色蛋漿令人流哂口水。食完沾麵後記得叫店員添湯,可以飲埋沾麵個湯,試下另一種食法。不過因為太濃,我飲左幾啖就放棄$128絕對值得比!總括來說,過江龍的名字會令人有十足期望,幸好神山沒有令人跌眼鏡。性價比十分高,不說這個限定出品,大部分麵都是八十幾蚊就食到。除左小食之外,主角的沾麵都令人驚喜。期間限定三個月會再轉一次,到時再睇下有咩新出品先! continue reading
(The above review is the personal opinion of an user which does not represent OpenRice's point of view.)
Level4 2018-06-19
388 views
第一次食沾麵,朋友話呢間「神山」超好食!見到等位排隊就知好得!叫左唐揚豆池魚🐟肉質鮮甜,條條都炸到金黃色,但又唔會有油膩感,配左檸檬汁同特製醬汁,同豆池魚味道好夾,食落有d似多春魚嘅口感,必食item👍🏼👍🏼神山湯餃子🥟 餃子煎到脆脆地,咬落肉汁豐富,豚骨湯底濃郁 茄子披薩🍆🍕茄子上面佈滿芝士,醬汁有少少蕃茄同辣味,消除左茄子嘅油膩感,口感同味道新穎,值得一試👍🏼沖繩風味豚肉🐖慢火炆煮左4至5個鐘,豬手超淋又入味,啖啖骨膠原,加上芥末又有另一番風味,不單主角精彩,配角蘿蔔都好精彩,又係超淋且入味,兩者都有入口即溶嘅感覺。神山沾汁麵🐷🍜湯底食落有濃郁嘅豬骨味,有魚介同醬油味。麵質口感彈牙,麵條上面有坑紋,做到掛湯👍🏼。叉燒又係誠意之作,慢煮12小時,入口即溶,加上表面燒到焦焦地,食到醬汁嘅甜味。神海老沾汁麵🦐🍜蝦非常之大隻,十分鮮甜,唔會煮到過熟,口感彈牙,外面佈滿蒜蓉同少少辣椒,非常滋味。湯底充滿住濃郁嘅蝦味,麵條口感一樣彈牙,上面嘅坑紋做到掛湯效果,令到每條麵條都充滿住香濃嘅蝦味👍🏼菠蘿特飲🍍 雜果特飲🍹 非常足料 ! continue reading
(The above review is the personal opinion of an user which does not represent OpenRice's point of view.)