Video
Read full review
2022-06-27
728 views
唔明點解咁少人！星期一，lunch 12:30先行出去搵嘢食，見之前有朋友食過咁今次就自己去試吓啦。行到門口望入去⋯⋯咁少食客嘅？！猶豫咗一陣，決定唔理三七二十一衝入去！自己掃二維碼點餐，選擇唔係好多。不過入得嚟唔係食海南雞飯就係肉骨茶或者豬手飯啦，有時我覺得選擇唔太多反而係一個好處牆上一塊板寫住尋覓99分的海南雞飯，咁就試吓佢有幾多分先。點餐上飯時間都好快，三款醬料齊、湯一碗、油飯一碗、雞嘅份量都唔少喎。雞當然係滑啦，啲醬汁都好好味，個湯就正正常常咁。我最想讚嘅反而係個油飯。我其實幾鍾意佢係好乾身嘅油飯，而且係超級熱，超級正！雖然價錢唔算平，但成個set咁食又夠飽，值！PS: 不過朋友話佢杯奶茶係超級甜，怕甜嘅朋友要注意啊！
星期一，lunch 12:30先行出去搵嘢食，見之前有朋友食過咁今次就自己去試吓啦。
行到門口望入去⋯⋯咁少食客嘅？！
猶豫咗一陣，決定唔理三七二十一衝入去！
自己掃二維碼點餐，選擇唔係好多。不過入得嚟唔係食海南雞飯就係肉骨茶或者豬手飯啦，有時我覺得選擇唔太多反而係一個好處
牆上一塊板寫住尋覓99分的海南雞飯，咁就試吓佢有幾多分先。點餐上飯時間都好快，三款醬料齊、湯一碗、油飯一碗、雞嘅份量都唔少喎。雞當然係滑啦，啲醬汁都好好味，個湯就正正常常咁。我最想讚嘅反而係個油飯。我其實幾鍾意佢係好乾身嘅油飯，而且係超級熱，超級正！雖然價錢唔算平，但成個set咁食又夠飽，值！
PS: 不過朋友話佢杯奶茶係超級甜，怕甜嘅朋友要注意啊！
海南雞飯
42 views
0 likes
0 comments
Post
