Video
Exit A2, Olympic MTR Station, Exit E, Olympic MTR Station
continue reading
Telephone
23633811
Opening Hours
Today
11:30 - 22:00
Mon - Sun
11:30 - 22:00
Above information is for reference only. Please check details with the restaurant.
長者朋友想食馬來西亞風味的簡單菜式，我就比個建議，不知會否合心意?!店內整潔，有大量舒適雅座選擇，細閱餐牌後用手機程式下單。馬來班蘭咖央多士 $25多士切成一口大小非常鬆化，咖央醬有點飄香，沒有油膩感，甜度也恰當，好滿足，好食!怡保魚三寶老鼠粉湯鍋 $68湯鍋用木盒托起保溫，怡保魚三寶是魚蛋、魚腐、魚片，從馬來西亞直送，魚質幾滑，不只有魚，還有肉碎，味道適中，份量不俗。凍柑桔特飲 . 熱羅漢果茶點一份主菜可以加$10選飲品，相量過後選三杯飲品。柑桔特飲和羅漢果的味道適中，羅漢果甘味恰當，柑桔特飲有輕微鹹味，兩款飲品讓喉嚨舒適，真係好抵飲!熱馬來拉茶加$10來一杯擁有泡沫的拉茶，味道有點似奶茶味，但甜味多一點。雞絲扎肉湯河 $68有軟腍的雞絲，雞絲味道適中，另有大粒黑椒勁濃味的扎肉條，最喜歡是雞湯，有雞香味不太油，一面飲湯一面食河粉，夠飽之餘又暖笠笠。新加坡喇沙米線 $82以辣度5分滿分來計喇沙米線辣度為4分，一面食一面飲一小啖湯，辣得過癮!! 材料有蝦、魚片、通菜、豆卜、蛋等，豐富惹味，香味濃郁!馬來咖喱牛腩飯 $78咖喱牛腩幾香，牛腩件頭也不少，炆得入味軟身，薯仔同樣軟腍，飯量足夠。咖喱汁不算辣，咖喱較香濃帶點椰香，非常開胃!馬拉盞通菜 $38通菜翠綠油潤，份量算多，有一少匙醬料在碟邊，味道偏鹹香及椒香，配通菜味道突出。又將通菜加入馬來咖喱牛腩飯的咖喱汁同樣好食，不用浪費餘下的咖喱汁，這樣食通菜很有新鮮感兼食得開心!在天冷時食有湯或有汁的主食真係幾暖胃又開胃，主食加飲品及菜，無加一服務費，經濟抵食，味道也合心意，長者朋友們出乎意料之外的滿意! 付款以自助方式進行，環保免打印單據及自選付款方式，幾方便快捷!
continue reading
今日慕名而來品嚐呢家奥海城亚参雞飯，整體服務體驗令人滿意！ 走進餐廳，首先映入眼簾的是簡潔明亮的用餐空間，整體環境乾淨整潔。服務員態度熱情，主動介紹招牌菜色，點餐時耐心解答，對長輩也特別關照。 今日試咗濱城蝦麵，湯頭真係冇得彈！濃郁嘅蝦鮮味撲鼻而來，湯汁濃稠，飲落帶啲微辣同椰香，好有南洋風味。麵條爽口彈牙，掛湯力一流，每一啖都充滿蝦湯精華；配料方面，鮮蝦大隻又爽甜，豆朴同豆芽增添口感。整體嚟講，絕對係值得回頭嘅好味，推薦鍾意重口味嘅朋友試吓！
continue reading
來咗多次呢間餐廳，每次都冇令我失望，最愛食呢度嘅多士，又好食又邪惡🤩，每次必點！！最重要系呢度嘅員工個個都好nice，又好笑容，就算系繁忙時間都一樣，值得一贊👍🏻加油💪🏼
continue reading
早幾日食過好食， 諗住再返轉頭再去多一次。 唔知係咪復活節假廚師放咗假。 碗麵水準差咗好多， 湯底冇乜味，可能加多咗水。 班蘭咖啡上一次好好飲， 今次完全好似飲水咁。 我唔知我自己究竟食咗啲乜嘢😖 其實一間餐廳水準穩定都好緊要
continue reading
除咗帶大家食高級、邪惡、打卡able、性價比高嘅餐廳食物之外，得閒都要帶大家養下生✨️袪濕‼️暖胃‼️呢兩樣嘢都係香港人體質最需要嘅嘢，成日留喺冷氣房成日食生冷嘢係時候補一補啦🤗【馬來藥膳豬骨煲套餐!!!】二人餐 $258✪ 馬來藥膳豬骨煲還原馬來西亞風味肉骨茶，以豬骨、原粒黑蒜、當、歸黨參等14多種藥材及香料熬製三小時成，無味精啖啖原汁原味😋豬骨煲到軟熟一絲就開，湯底濃郁回甘，入秋食暖笠笠👍🏻✪ 亞參去骨海南雞採用三黃雞以秘製配方反覆浸煮，入味嫩滑🐔 仲有三款秘製醬料配搭。✪ 馬拉盞通菜烚通菜配馬拉盞，馬拉盞較辣🌶如果怕辣嘅朋友可以清清地就咁食通菜。✪ 至Shiok小食拼盤有豬肉串、鳳尾蝦春捲同炸魚餅各兩件🍤充滿馬拉風味嘅小食。送白飯🍚 + 冷/熱飲品☕️🍹-同類型搜尋: 🔎✨ #hkfs旺角 #hkfs東南亞菜———————————————————📍亞參雞飯 @asam_chicken分店: 荃灣、青衣、大角咀、九龍塘、旺角、尖沙咀、中環、紅磡、元朗、九龍灣、銅鑼灣、屯門、天水圍、太古、上水、將軍澳、柴灣
continue reading