亞參雞飯 (奧海城一期)

Open Now

Now Closed

長者朋友想食馬來西亞風味的簡單菜式，我就比個建議，不知會否合心意?!店內整潔，有大量舒適雅座選擇，細閱餐牌後用手機程式下單。馬來班蘭咖央多士 $25多士切成一口大小非常鬆化，咖央醬有點飄香，沒有油膩感，甜度也恰當，好滿足，好食!怡保魚三寶老鼠粉湯鍋 $68湯鍋用木盒托起保溫，怡保魚三寶是魚蛋、魚腐、魚片，從馬來西亞直送，魚質幾滑，不只有魚，還有肉碎，味道適中，份量不俗。凍柑桔特飲 . 熱羅漢果茶點一份主菜可以加$10選飲品，相量過後選三杯飲品。柑桔特飲和羅漢果的味道適中，羅漢果甘味恰當，柑桔特飲有輕微鹹味，兩款飲品讓喉嚨舒適，真係好抵飲!熱馬來拉茶加$10來一杯擁有泡沫的拉茶，味道有點似奶茶味，但甜味多一點。雞絲扎肉湯河 $68有軟腍的雞絲，雞絲味道適中，另有大粒黑椒勁濃味的扎肉條，最喜歡是雞湯，有雞香味不太油，一面飲湯一面食河粉，夠飽之餘又暖笠笠。新加坡喇沙米線 $82以辣度5分滿分來計喇沙米線辣度為4分，一面食一面飲一小啖湯，辣得過癮!! 材料有蝦、魚片、通菜、豆卜、蛋等，豐富惹味，香味濃郁!馬來咖喱牛腩飯  $78咖喱牛腩幾香，牛腩件頭也不少，炆得入味軟身，薯仔同樣軟腍，飯量足夠

今晚經過亞參雞飯，就被門口嘅牛骨煲廣告吸引住我🤩，當我還在考慮緊要吾要去試吓嘅時候，有一位好好笑容嘅女員工走到我身邊，很有耐心甘給我推介呢個套餐！見呢位女員工對客人甘熱情又有禮貌，今晚就決定試吓！當我哋坐低後，另一位員工馬上走到我面前問需唔需要幫手落單，而且在上菜時，又不忘提醒我哋小心小朋友不要靠近個煲（因會點火，會比較熱）而且當我哋有需求時，馬上幫我哋解決！最重最係每位員工都好好笑容👍🏻👍🏻當時餐廳內差不多滿座，但呢度啲員工只有三個，在呢種繁忙時間，員工都可以甘有效率又細心照顧客人，在香港嘅服務業已經很少見！以後食飯會多啲選擇呢度🫰🏻

今日慕名而來品嚐呢家奥海城亚参雞飯，整體服務體驗令人滿意！ 走進餐廳，首先映入眼簾的是簡潔明亮的用餐空間，整體環境乾淨整潔。服務員態度熱情，主動介紹招牌菜色，點餐時耐心解答，對長輩也特別關照。 今日試咗濱城蝦麵，湯頭真係冇得彈！濃郁嘅蝦鮮味撲鼻而來，湯汁濃稠，飲落帶啲微辣同椰香，好有南洋風味。麵條爽口彈牙，掛湯力一流，每一啖都充滿蝦湯精華；配料方面，鮮蝦大隻又爽甜，豆朴同豆芽增添口感。整體嚟講，絕對係值得回頭嘅好味，推薦鍾意重口味嘅朋友試吓！

來咗多次呢間餐廳，每次都冇令我失望，最愛食呢度嘅多士，又好食又邪惡🤩，每次必點！！最重要系呢度嘅員工個個都好nice，又好笑容，就算系繁忙時間都一樣，值得一贊👍🏻加油💪🏼

早幾日食過好食， 諗住再返轉頭再去多一次。 唔知係咪復活節假廚師放咗假。 碗麵水準差咗好多， 湯底冇乜味，可能加多咗水。 班蘭咖啡上一次好好飲， 今次完全好似飲水咁。 我唔知我自己究竟食咗啲乜嘢😖 其實一間餐廳水準穩定都好緊要

除咗帶大家食高級、邪惡、打卡able、性價比高嘅餐廳食物之外，得閒都要帶大家養下生✨️袪濕‼️暖胃‼️呢兩樣嘢都係香港人體質最需要嘅嘢，成日留喺冷氣房成日食生冷嘢係時候補一補啦🤗【馬來藥膳豬骨煲套餐!!!】二人餐 $258✪ 馬來藥膳豬骨煲還原馬來西亞風味肉骨茶，以豬骨、原粒黑蒜、當、歸黨參等14多種藥材及香料熬製三小時成，無味精啖啖原汁原味😋豬骨煲到軟熟一絲就開，湯底濃郁回甘，入秋食暖笠笠👍🏻✪ 亞參去骨海南雞採用三黃雞以秘製配方反覆浸煮，入味嫩滑🐔 仲有三款秘製醬料配搭。✪ 馬拉盞通菜烚通菜配馬拉盞，馬拉盞較辣🌶如果怕辣嘅朋友可以清清地就咁食通菜。✪ 至Shiok小食拼盤有豬肉串、鳳尾蝦春捲同炸魚餅各兩件🍤充滿馬拉風味嘅小食。送白飯🍚 + 冷/熱飲品☕️🍹-同類型搜尋: 🔎✨ #hkfs旺角 #hkfs東南亞菜———————————————————📍亞參雞飯 @asam_chicken分店: 荃灣、青衣、大角咀、九龍塘、旺角、尖沙咀、中環、紅磡、元朗、九龍灣、銅鑼灣、屯門、天水圍、太古、上水、將軍澳、柴灣

今日去咗幫襯亞參雞飯，之前荃灣嗰間分店食完都覺得幾好食，下晝2:00有下午茶我哋一於去再幫襯！叫咗兩個下午茶餐都正常仲有個巴東牛肉滲滲下午茶套餐餐可以加$39再試埋兩款小呢個鳳尾蝦卷就犀利啦，入邊竟然可以好似刺身咁生….現場睇係更加生，影相睇已經係冇咁生…職員立即見到都幫我換個碟，但第二碟都係生仲要而家大住個肚…其實係都唔知食咗幾多落肚先發現…食完都覺得有啲擔心最尾要求員工換另外一款食物，換左豬肉串，終於係全熟另外仲有個佢聲稱係馬來西亞直送嘅斑斕多士一上枱凍冰冰…牛油係幾香食完除咗失望，仲有一份擔心啱啱嗰個鳳尾蝦有冇細菌？會唔會出事？當日係1/10/2024，係人人都有全日7折優惠，可能太多人幫襯，整唔熟d野食

今日去咗亞參雞飯試佢哋嘅咖喱牛腩飯，整體感覺幾好。咖喱味唔算太重，偏甜帶少少辣，適合唔太能食辣嘅人。咖喱同牛腩嘅配合幾好，牛腩煮得夠腍，唔會過腍到散晒，但又唔會咬唔開，彈牙得嚟又有味，用嚟拌飯一流，幾容易入口。比較特別嘅係佢哋喺咖喱牛腩入邊加咗秋葵，呢個係我幾鍾意嘅元素，因為秋葵嘅質感配合咖喱汁幾有趣。秋葵吸收咗咖喱汁嘅味道，又保持住自己嘅黏滑口感，食落有少少驚喜。不過，如果你唔鍾意秋葵嘅話，呢個配搭可能就未必啱你。整體嚟講，呢個咖喱牛腩飯味道唔錯，牛腩質素好，價錢合理，算係一個值得推薦嘅快餐選擇。下次經過呢度，不妨可以試下，特別係鍾意秋葵嘅朋友應該會幾滿意呢個組合。

亞參雞飯，位於大角咀海輝道11號奧海城1期UG樓UG19-21號舖。 之前在其他分店食過多次，餐廳主打星馬菜。晚餐 ～ 明爐酸辣亞參魚配白飯$98、 馬來咖哩牛腩飯$78、 柑桔特飲$10、 小食兩款( 香烤豬肉串  + 椰香咖央南洋包) $39、馬拉盞通菜$38。 ▫️明爐酸辣亞參魚配白飯 ～ 酸酸地，倉魚入口有點腥。     ▫️馬來咖哩牛腩飯 ～ 咖哩香濃，牛腩軟腍。 ▫️馬拉盞通菜 ～ 白烚通菜加馬拉盞醬。 ▫️香烤豬肉串 ～ 豬肉串味道甜甜地。 ▫️椰香咖央南洋包 ～ 味道跟咖央多士差不多。 ▫️柑桔特飲 ～ 柑桔偏酸。 整體味道一般， 不過可以一試。 🏷️溫馨提示～ 整個用餐體驗均屬個人分享意見， 只作參考😊。

今日放工又過來亞參食雞飯，去骨海南雞飯，有位男同事真系服務一流，全程笑容滿面，仲帶我去一個無甘大冷氣位置坐，非常貼心，另外一位高高女同事還推薦其他小食，不錯，很好的推介

20/8去奧海城亞參鷄飯食Lunch,當時已經要排隊等位，輪到我地入座果陣，門口姐姐見我爸爸係坐輪椅，即刻好好人咁話試試安排我地同坐門口座位嘅客人調枱，小小嘅舉動，但超級窩心，實在難得。如果香港嘅食店多啲呢種態度嘅員工就好啦

第一次黎試，整體感覺良好，食物質素十分高質，每個職員態度都十分良好，有甚麼問題都會幫我們解決，跟他們對答時十分輕鬆，睇得出好用心對待客人，最喜歡海南雞飯，十分好吃，必吃餐廳😋😋

我跟太太是第一次來這間亞參雞飯吃晚飯，本來就是挺著試試的心，可能是內地的文化，飲食啊跟香港的不太一樣吧！當我們看到菜單時，不知道該挑那些？就像反蛋啊是什麼？當時全場已滿座了，門口還有很多人在排著隊，眼見就只有兩三個服務員在全場跑，都忙不過來，但我还是試著舉手，出乎我意料，有個姓黃的小姐馬上就過來了，然後就很耐心的解答了我的疑問，還給我推薦了她們餐廳比較受歡迎的菜，最後還幫我們下了單！我們點的菜都上齊了，可能她知道我們沒有點飲品吧，她又主動給我們遞上兩杯熱水，她這個服務讓我們非常暖心又舒服！

尋日去到同朋友一齊食飯，見到到有個婆婆係門口講我嚟喇，婆婆係有D行動不便，搵1位林先生。即時有位男同侍應出嚟招呼並安排入座，在點餐時聽到婆婆嘅要求好腌尖好多要求，但這位男同事盡量達到婆婆嘅耍求，一直帶着笑容，不停再叫嘢食，見到佢食得好開心，心諗現時仲有咁嘅工作態度得很難得，仲要有笑容，好耐性，直得表揚，亞參有咁嘅員工真係得鼓勵，應該加許

其實我每星期都會有幾日黎奧海城亞參鷄飯Lunch,最近發現一個現象真係令我不吐不快，當餐廳較滿座果陣，門口收銀有位四眼姐姐都會有禮貌地問我地或其他人介唔介意搭枱，或者我地有幾個人，佢都會問其他人介唔介意調調位，安排位置比我地，但係如果她唔喺度，有位四眼男職員經常就用啲好粗魯嘅語氣講要搭枱㗎喎，唔搭就要等，我都明做飲食做野辛苦，人多果時會忟啲，但其實我都係黎比錢食野而唔係受你氣囉！！你唔鐘意多人可以同我講唔做我生意，但都麻煩語氣客氣啲！有時一間餐廳就係有呢啲人會令到人唔想嚟，麻煩管理層睇到就留意下！態度差，幾好食都冇用！