616
56
25
Level1
1
0
唔怪之得呢間米線店咁出名啦
2022-08-05 50 views
我同女友本身都係港島返工，收工無拿拿米線癮起，直接過左黎呢間好多網站推薦嘅米線店👻，好在我地都算黎得早， 唔使等位就直接入左去坐👍🏻咁我呢，就叫左小鍋米線 要麻辣 小辣，再要左3個餸（豬大腸 豬軟骨 豬頸肉）兜野一黎作為蔥控嘅我已經胃口大開🤩，即刻就試左啖米線先，我覺得就口感幾好，幾彈，再加上湯底有辣味得黎唔會係嗆喉死辣個種，岩哂啲想食辣得黎就唔想辣到冇哂口感嘅朋友😍，佢湯底另外仲有埋酸菜， 令到飲落肚會好開胃，米線都食多兩淡🤣配餸方面呢，豬頸肉我個人覺得幾好，唔會話入口好肥膩個隻，相反女朋友就覺得太瘦，真係睇你係鍾意邊隻🤤豬大腸就幾腍，唔會話係個隻咬極都咬唔開個隻，呢個配餸都幾推薦👍🏻👍🏻👍🏻豬軟骨就相對普通，可能係我個人鍾意食多啲肥膏腍腍地個隻，不過其實都唔係唔好食，只不過可能豬頸肉豬大腸太搶戲🤣🤣另外我地仲嗌左個小食麻辣豬耳，嗰個相對上就麻麻地喇，落左比較多蒜搞到成碟豬耳咸味好出，但麻辣味就反而冇咩，不過豬耳本身都尚算彈牙嘅😉最後一定要講嘅就係呢間米線舖嘅配餸十分之多！！ 好耐都未試過啲配餸係食極都仲有得食😝 豬頸肉大大小小我諗差唔多有成10舊🧐當然就唔係每舊都大大舊啦，豬大腸都
Read full review
我同女友本身都係港島返工，收工無拿拿米線癮起，直接過左黎呢間好多網站推薦嘅米線店👻，好在我地都算黎得早， 唔使等位就直接入左去坐👍🏻
23 views
0 likes
0 comments

咁我呢，就叫左小鍋米線 要麻辣 小辣，再要左3個餸（豬大腸 豬軟骨 豬頸肉）
10 views
0 likes
0 comments
兜野一黎作為蔥控嘅我已經胃口大開🤩，即刻就試左啖米線先，我覺得就口感幾好，幾彈，再加上湯底有辣味得黎唔會係嗆喉死辣個種，岩哂啲想食辣得黎就唔想辣到冇哂口感嘅朋友😍，佢湯底另外仲有埋酸菜， 令到飲落肚會好開胃，米線都食多兩淡🤣

配餸方面呢，豬頸肉我個人覺得幾好，唔會話入口好肥膩個隻，相反女朋友就覺得太瘦，真係睇你係鍾意邊隻🤤

豬大腸就幾腍，唔會話係個隻咬極都咬唔開個隻，呢個配餸都幾推薦👍🏻👍🏻👍🏻

豬軟骨就相對普通，可能係我個人鍾意食多啲肥膏腍腍地個隻，不過其實都唔係唔好食，只不過可能豬頸肉豬大腸太搶戲🤣🤣

另外我地仲嗌左個小食麻辣豬耳，嗰個相對上就麻麻地喇，落左比較多蒜搞到成碟豬耳咸味好出，但麻辣味就反而冇咩，不過豬耳本身都尚算彈牙嘅😉

最後一定要講嘅就係呢間米線舖嘅配餸十分之多！！ 好耐都未試過啲配餸係食極都仲有得食😝 豬頸肉大大小小我諗差唔多有成10舊🧐當然就唔係每舊都大大舊啦，豬大腸都起碼5舊，隨時仲唔止🤣🤣，總結係十分抵食！！
(The above review is the personal opinion of a user which does not represent OpenRice's point of view.)
  • Recommend
    Recommended
  • Report
Post
DETAILED RATING
Taste
Decor
Service
Hygiene
Value
Date of Visit
2022-08-04
Waiting Time
2 Minutes (Dine In)
Spending Per Head
$70