Video
Read full review
2022-09-21
1609 views
今日收工攰攰地，同先生想食日本菜哄下自己開心，喺旺角女人街附近覓食，見到呢間「樸一拉麵」，被佢店外的食物相吸引咗，忍唔住入去幫襯🤤🤤🤤呢間餐廳係傳統日本拉麵店的格局，店內座位有限，但麻雀雖小，五臟俱全，加上木製的裝潢風格，帶點日本昭和年代的風味。🤩每一枱也附有凍檸水及紙巾盒，供客人自行取用，細心周到🤭。🎈魚介厚燒叉燒東京拉麵$86我揀咗魚介湯底，選了軟身的東京拉麵。濃厚綿滑嘅魚湯入口鮮甜，甜鹹度適中，連湯飲都唔會口渴，麵身軟綿有咬口。配料有香蔥、竹筍同木耳等，最驚喜的當然係厚燒叉燒，經自家醃製調味的叉燒，皮脂分布均匀，一層層肌里與脂肪分明，超級酥軟，入口即溶。叉燒份量超大，但完全無滯膩感，吃完全份滿足度爆燈！🤭🎈醬油慢煮叉燒博多拉麵$82博多拉麵比較爽口企身，呈淡黃色嘅醬油湯底鹹香比較出色，配合紫菜同新鮮蔥粒，入口都幾有層次。慢煮叉燒原來係薄切，粉紅色嘅肉每一片都透薄鮮嫩，脂肪同肉質分明，入口肉香十足，非常惹味😆。二人晚餐180元有找，以質素而言，性價比相當高👍🏻路過旺角又係日本鄉下嘅餓底朋友可以試下🎏🇯🇵
今日收工攰攰地，同先生想食日本菜哄下自己開心，喺旺角女人街附近覓食，見到呢間「樸一拉麵」，被佢店外的食物相吸引咗，忍唔住入去幫襯🤤🤤🤤
呢間餐廳係傳統日本拉麵店的格局，店內座位有限，但麻雀雖小，五臟俱全，加上木製的裝潢風格，帶點日本昭和年代的風味。🤩每一枱也附有凍檸水及紙巾盒，供客人自行取用，細心周到🤭。
🎈魚介厚燒叉燒東京拉麵$86
我揀咗魚介湯底，選了軟身的東京拉麵。濃厚綿滑嘅魚湯入口鮮甜，甜鹹度適中，連湯飲都唔會口渴，麵身軟綿有咬口。配料有香蔥、竹筍同木耳等，最驚喜的當然係厚燒叉燒，經自家醃製調味的叉燒，皮脂分布均匀，一層層肌里與脂肪分明，超級酥軟，入口即溶。叉燒份量超大，但完全無滯膩感，吃完全份滿足度爆燈！🤭
🎈醬油慢煮叉燒博多拉麵$82
博多拉麵比較爽口企身，呈淡黃色嘅醬油湯底鹹香比較出色，配合紫菜同新鮮蔥粒，入口都幾有層次。慢煮叉燒原來係薄切，粉紅色嘅肉每一片都透薄鮮嫩，脂肪同肉質分明，入口肉香十足，非常惹味😆。
二人晚餐180元有找，以質素而言，性價比相當高👍🏻路過旺角又係日本鄉下嘅餓底朋友可以試下🎏🇯🇵
Post
