Kousen Irori Sumiyaki (Closed) View

呢度啲嘢唔係唔好食，但沒有什麼令人驚喜的地方，份量也偏少，$85 凍蕃茄沙律得一小碗裝住一個細細哋嘅蕃茄，$36 一條燒蘆筍，$200 野生鰻魚都係薄薄四片等等。燒雞肝雞腎係全晚比較欣賞的，很原味而且保持到入面肉汁，喜歡吃內藏的必點。燒海膽都唔錯，但個人都係鍾意生食海膽多啲。講番個野生鰻魚，英文係 “wild eel"，我本身以為係平日多數食開嘅 unagi (河鰻)，但其實係 anago 即係所謂嘅穴子(海鰻)，雖然都好食但相對薄好多同冇無咁豐富膠質，肉質係纖細軟綿而非實淨彈牙，與想像有很大落差。A5 和牛牛柳$220有6粒，係粉嫩多汁同夠牛味，但可能因為係牛柳部位所以冇乜油脂，感覺同食一般美國牛或澳洲牛冇乜分別。不過最失望係個時令土鍋飯，今次時令係蟹肉，但實際上蟹肉份量好少，只係呢度一條個度一條幼幼的，食落幾乎唔覺，也沒有什麼其他配料，好似只係食緊高湯煮出來的飯，絕對唔值$300。埋單$14xx，但感覺只是一般，總括而言性質比不高。