488
42
49
Level4
180
1
2019-08-19 1064 views
星期六放假同媽子食飯,今日我地就揀左去大坑,諗住食完再行下銅鑼灣。而家大坑真係好多野食,而且唔係只得高級野☺,好多選擇呀。今次老媽子就揀定左食呢間新加坡菜。可惜去到天后站時黃雨,行到成身濕哂…😱肉骨皇係浣紗街最入,還好都唔係好遠,一條直路都入到去,由地鐵行去,落住雨都係7-8分鐘左右。叫做肉骨皇就唔係只得肉骨茶🥘既,仲有好多小菜選擇,而且睇menu價錢好抵食! 小店又有南亞風味💃🏼,唔算好多張枱,有D似家庭式作業,氣氛都唔錯。睇緊Menu時店員推薦我地like facebook/IG,就可以揀一杯冇酒精既飲品🍹,正! 😍我地就揀左石榴同青檸特飲,因為阿媽見到有個咖哩魚頭想食,叫返D冰凍既特飲好D~😇食得咖哩我就叫埋個油酥餅,再叫個沙津同海南雞飯,應該好夠食。先黎左特飲同沙津🥗,贈送既特飲都係大大杯足料,唔錯。沙津都有好多料,叫得做海鮮柚子🍋沙津都有好多魷魚🦑同蝦🦐,除左柚子之外,沙津菜就以椰菜絲🥬為主,再撈埋酸甜同有少少辣既汁,都幾惹味。如果個汁另上,我地自己撈應該會更新鮮更好食。不過佢本身都唔錯,汁同材料好食,而且份量都好多,4個人share都一定夠。海南雞飯賣相都唔錯,同埋我鍾意佢
Read full review
星期六放假同媽子食飯,今日我地就揀左去大坑,諗住食完再行下銅鑼灣。而家大坑真係好多野食,而且唔係只得高級野☺,好多選擇呀。今次老媽子就揀定左食呢間新加坡菜。可惜去到天后站時黃雨,行到成身濕哂…😱肉骨皇係浣紗街最入,還好都唔係好遠,一條直路都入到去,由地鐵行去,落住雨都係7-8分鐘左右。
46 views
0 likes
0 comments

叫做肉骨皇就唔係只得肉骨茶🥘既,仲有好多小菜選擇,而且睇menu價錢好抵食! 小店又有南亞風味💃🏼,唔算好多張枱,有D似家庭式作業,氣氛都唔錯。
48 views
0 likes
0 comments
42 views
0 likes
0 comments

睇緊Menu時店員推薦我地like facebook/IG,就可以揀一杯冇酒精既飲品🍹,正! 😍我地就揀左石榴同青檸特飲,因為阿媽見到有個咖哩魚頭想食,叫返D冰凍既特飲好D~😇
食得咖哩我就叫埋個油酥餅,再叫個沙津同海南雞飯,應該好夠食。
123 views
0 likes
0 comments
124 views
0 likes
0 comments
118 views
0 likes
0 comments
特飲
29 views
0 likes
0 comments

先黎左特飲同沙津🥗,贈送既特飲都係大大杯足料,唔錯。沙津都有好多料,叫得做海鮮柚子🍋沙津都有好多魷魚🦑同蝦🦐,除左柚子之外,沙津菜就以椰菜絲🥬為主,再撈埋酸甜同有少少辣既汁,都幾惹味。如果個汁另上,我地自己撈應該會更新鮮更好食。不過佢本身都唔錯,汁同材料好食,而且份量都好多,4個人share都一定夠。
海鮮柚子沙津
$88
29 views
0 likes
0 comments
海南雞飯
$98
27 views
0 likes
0 comments

海南雞飯賣相都唔錯,同埋我鍾意佢唔會用D好肥既雞🐤,有油香得黎唔會食到成口膏! 雖然個飯底唔係油飯,但雞下面又有新鮮芽汁做底,加埋D雞油汁食都唔錯。而且我地咁樣配搭,有D白飯🍚食一陣個咖哩🍛魚頭,正!
咖哩魚頭
$128
24 views
0 likes
0 comments
主角黎啦! 個魚頭煲🐟真係好不得了,又大煲又香! 而且佢魚頭係用三文魚,所以好多肉🤤,而且仲要係我老媽既favorite,所以佢特別滿意 <3 個黃咖哩汁本物都做到唔會太濃但又有D黃咖哩同黃薑既香味,濃淡得宜。叫左個洋蔥油酥餅🌮真係好不得了! 個油酥餅新鮮熱鬧烤起,又唔會太油但又唔乾身,點咖哩食當然好味,就咁食都唔會太乾,因為原來佢中間仲有D洋蔥饀料,再炒左既洋蔥唔會太濃而又夠香,正! 呢個配搭真係好完美!
洋蔥油酥餅
$48
23 views
0 likes
0 comments

慢慢食左個零鐘,雨都停哂時間剛好。為返每人都係200,抵食又好食! 媽子話下次要再黎試埋個肉骨茶🥘🤤
(The above review is the personal opinion of a user which does not represent OpenRice's point of view.)
Post
DETAILED RATING
Taste
Decor
Service
Hygiene
Value
Date of Visit
2019-08-17
Dining Method
Dine In
Spending Per Head
$200 (Lunch)
Recommended Dishes
特飲
海鮮柚子沙津
$ 88
海南雞飯
$ 98
咖哩魚頭
$ 128
洋蔥油酥餅
$ 48
  • 咖喱魚頭
  • 石榴梳打