牛匠石燒 (Closed)

今日去牛匠石燒叫左三個石燒加三樣小食。首先石燒入面最好食係員工推薦的a4和牛，顏色鮮豔，燒完食落去入口即溶，雖然貴左少少，但真係值得試一試。另外第二中意係牛舌石燒，開頭以為咁厚咁大舊一定會好難咬，不過燒完咬落去好軟，最好燒到8成熟果陣係最好食。第三，羊肉石燒，顏色鮮豔，食落去都ok 無咩特別。跟住講下小食，我覺得多春魚唔係太好食，咬落去唔夠脆卜卜，同埋我食唔到春，好似食緊魷魚果種口感。 另外雞泡魚干超好食，甜甜的又易咬，唔加沙拉醬都好食。麻醬豆腐口感正，食完熱氣野食呢個好爽。