牛匠石燒 (Closed)

和牛好似有一種魔力，除非你係完全唔食牛，否則當你試過一次後，和牛嗰種入口即溶嘅油香感，絕對係一種萬有引力！今次嚟到尖沙咀嘅牛匠石燒，餐廳主打石燒和牛，因為石板嘅溫度更平均，所以和牛嘅口感會更為吸引，絕對係欲罷不能。明太子脆豆腐豆腐上面有濃濃嘅明太子醬，同清淡嘅豆腐形成對比，非常清新；雖然豆腐清淡，但炸香咗之後，同軟綿綿嘅明太子同樣形成口感上嘅對比，非常獨特。唐揚墨魚咀一口一粒嘅炸物嚟講，呢個墨魚咀十分吸引。炸粉夠薄，又有咬口，係等燒肉過程會忍唔住一粒接一粒放入口。鹿兒島A4和牛肩肉呢個鹿兒島A4和牛肩肉嘅雪花好靚，非常均勻，只要輕輕一燒就食得，嗰種入口即溶感覺，真係好滿足。牛舌Combo牛舌有人中意食厚，有人中意食薄，呢個牛舌comboo就可以滿足晒大家。薄牛舌真係好薄身，輕輕燒一下就食得了；至於厚牛舌充滿口感，但絕對唔會太韌。食嘅時候可以加入生菜同蒜片，令味道更清爽，踏上另一層次。牛匠彩虹水果茶、桂花果釀四季春牛匠彩虹水果茶嘅水果十分足料，酸酸甜甜，非常醒胃；至於四季春茶入面有桂花碎，充滿香濃嘅花香味，同樣清新。