御名軒

Open Now

Now Closed

放工後與友人們黎到天后這間御名軒酒樓晚飯聚，之前在網上看到評價唔錯，所以就黎試下。望望餐牌，其實好多都想試，所以就選左以下幾款。花膠瑤柱羹 $58/位裡頭食到一絲絲瑤柱和花膠，感覺好足料，加埋紅醋味道更提升了。燒味拼盤一碟包括五款冷盤、包括油雞、薰蹄、叉燒、海哲和煙鴨胸。至喜歡食叉燒，肉質鬆化且蜜味重；海哲咬落爽口也是不錯，另外三款味道都唔差，叫一個拼盤可以試均五種食物，這組合確實不錯。茄汁海虎蝦 大虎蝦蝦肉咬落夠爽彈，配埋酸酸甜甜的茄汁，十分開胃。蒜茸粉絲蒸大元貝 （$98/4隻）每隻大元貝都放上蒜茸、粉絲和蔥花一齊蒸，食落相當惹味，而且元貝入口啖啖肉，尚算鮮味。飯後甜品楊枝金露，入面有西米、柚子肉和芒果，味道清甜，還不錯。