Video
Read full review
2023-04-08
138 views
山林道都有好多嘢食，JUST'er Bar & Restaurant主打西日式fusion菜，餐廳不算大，採用全落地玻璃，裝修以黑白色做主調，牆上掛有「全院滿座」及獨角獸霓虹燈牌，充滿型格玩味嘅氛圍。一頁紙嘅Lunch menu但種類都唔少，有陣時中午唔想食得咁heavy，最鍾意就係有輕食選擇，沙律都有七款，仲有All day breakfast，好啱女士們食。以尖沙咀食Lunch價錢嚟講都好抵。◉黑松露水波蛋真A5和牛蓋飯 $168和牛本身無調味，餐廳提供海鹽同黑胡椒，客人可按自己喜好調味，個人就覺得落少少已經OK，想保留多啲和牛嘅原味。老闆建議將整個飯撈到勻晒先食，一路撈緊嘅時候，黑松露醬香氣一路飄出嚟，勁香，加埋水波蛋嘅蛋汁將珍珠米撈勻。和牛表面焦香，中間保持粉紅色，肉質軟嫩，部分帶少少脂肪嘅部位好甘香，絕對唔係薄切而且份量十足。一啖食落去包含晒所有嘢：和牛味濃郁、黑松露醬香氣、蛋汁滑溜、珍珠飯粒粒分明，瞬間喺口中混和一起，都唔知可以講咩，呢個價錢已經食到呢個份量嘅日本A5和牛，性價比高。◉醬油風白汁三文魚扁意粉 $68本身食意粉都鍾意揀忌廉白汁，今次呢個白汁入口有啲驚喜，原來加
一頁紙嘅Lunch menu但種類都唔少，有陣時中午唔想食得咁heavy，最鍾意就係有輕食選擇，沙律都有七款，仲有All day breakfast，好啱女士們食。以尖沙咀食Lunch價錢嚟講都好抵。
黑松露水波蛋真A5和牛蓋飯
24 views
0 likes
0 comments
◉黑松露水波蛋真A5和牛蓋飯 $168
和牛本身無調味，餐廳提供海鹽同黑胡椒，客人可按自己喜好調味，個人就覺得落少少已經OK，想保留多啲和牛嘅原味。
老闆建議將整個飯撈到勻晒先食，一路撈緊嘅時候，黑松露醬香氣一路飄出嚟，勁香，加埋水波蛋嘅蛋汁將珍珠米撈勻。和牛表面焦香，中間保持粉紅色，肉質軟嫩，部分帶少少脂肪嘅部位好甘香，絕對唔係薄切而且份量十足。
一啖食落去包含晒所有嘢：和牛味濃郁、黑松露醬香氣、蛋汁滑溜、珍珠飯粒粒分明，瞬間喺口中混和一起，都唔知可以講咩，呢個價錢已經食到呢個份量嘅日本A5和牛，性價比高。
醬油風白汁三文魚扁意粉
19 views
0 likes
0 comments
本身食意粉都鍾意揀忌廉白汁，今次呢個白汁入口有啲驚喜，原來加咗日本醬油去煮，同平時嘅白汁味道有啲唔同，多咗一份醬油嘅鮮味，提鮮咗整個三文魚意粉，竟然可以咁襯。
切得細細件三文魚好鮮味，係廚師將原條三文魚自己切開處理，唔係入雪藏貨。扁意粉硬度恰到好處，掛汁力強。
熱洋甘菊蜜糖檸檬茶
15 views
0 likes
0 comments
菊花配檸檬味道清新解渴，淡淡蜜糖甜味，少少甜好適合鍾意健康嘅女士飲。一個大玻璃茶壺裝住，夠晒兩個人飲，飲到餐飯食完仲未飲完。
#JUST'er Bar & Restaurant @justerestaurant 地址：尖沙咀山林道13號地下A1-A2號舖
Post
