CHEF STAGE de Eddy Chu (Closed)

吹啊吹，讓這風吹。。。究竟吹嘅係乜野風呢? 吹嘅咪係CHEF STAGE de Eddy Chu呢個風囉。睇睇有幾多人氣食評人黎過，寫過幾多笑面食評就知啦。連我地呢種師奶都要黎食番餐威番下。唔洗咁out。晚餐$498有前菜，湯，主菜，甜品前菜係 鮮蝦芒果沙津鮮蝦係爽口但係芒果好酸好酸，破壞晒 開胃嘅目的。餐湯係 黑松露蘑菇湯湯係有啲稀佐，黑松露既味道遮蓋晒蘑菇嘅味。我嘅水準都可以煮得比呢個好，唔通係廚師失手? 主菜係 燒西班牙黑毛豬今時今日，西班牙黑毛豬好似通街都係咁，好似任何一間餐廳都有，西班牙黑毛豬係可以生少少食嘅，但係呢塊黑毛豬扒真係燒太熟太透啦，仲有啲嚡口，廚師又再失手。甜品係 奶凍呢個奶凍嘅味道奶味好濃又唔太甜，係呢餐唯一滿意嘅食物。吹啊吹，讓這風吹。。。原來名氣都係被吹出黎嘅。呢種名氣，咁樣嘅廚藝，收呢個價，太令我心酸。唯一好味嘅只得甜品。因為呢個甜品我先俾OK。否則一定會係喊面！西餐大排檔，咪就係大排檔囉。