鐵板燒雪舟

Open Now

Now Closed

除左係日本廣島食過鐵板廣島燒外，從來都無食過鐵板燒，今次可說是第一次食。睇日劇見到私人鐵板燒好似好高級咁，我今次都有呢個感覺，因為餐廳安排我地坐係一個角位，唔使同其他人一齊，私隱度極高。全程有一個廚師serve 我地兩個人，完全係高級既享受。雖然我們坐角位，但無論缺茶、點菜、換碟，侍應都一一留意到，真係神級既服務。午餐的性價比最高，$350的午市鐵板套餐有好多野食。前菜是南瓜沙律，酸酸地，好開胃。日式茄子🍆也好吃。鐵板茶碗蒸，是另一個令我驚喜的菜式，因為我從來都唔知道可以用鐵板整茶碗蒸。茶碗蒸蛋味香濃，非常香滑。鐵板大蝦🍤和帶子都好鮮甜彈牙。特別是大蝦，廚師把蝦煎皮拆肉，連頭也拆出，然後煎到脆卜卜，好好味。我和朋友都點了牛柳，因為我地都係牛魔王😜，而且我仲點了全熟。廚師煎香兩邊，加蓋後再切開略煎。雖然全熟，但一點也不韌，仲好淋又香口。其實可以點蒜蓉炒飯，但我點了白飯。因為其他食物已經好好味，我覺得要食白飯先可以食到其他食材的鮮味。飯後再黎個炒野菜，椰菜鮮甜爽口，份量不多，配飯吃剛剛好。最後是餐茶和甜品🍮。餐茶我點了熱檸水，中和濃膩之感。而自家製焦糖布丁蛋糕為完美的鐵板餐作結。