Read full review
2018-05-17
742 views
同朋友仔約左好耐的飯局,終於鐵定了!係網上做足資料搜集,最終選定了銅鑼灣其中一間超人氣日本餐廳——火鳥。雖然我去係時候係weekday,不過見餐廳9成坐滿,人氣果然非凡!安排坐位後,我們先叫左兩杯cocktail解下渴。呢杯Fuji Mountain非常吸精,酒的味道唔算太重,換黎的係荔枝的香味。飲落都好易入口,難怪咁多枱的食客者有order呢杯cocktail。朋友仔就叫左一杯Frozen Pineapple Cocktail。對比富士山,呢杯的酒味重少少。不過加左新鮮菠蘿及薄荷葉的Cocktail,味道好fresh,適合呢D炎熱的夏日。傾左無耐,我們order的北海道珍寶帆立貝刺身就送到了。呢粒帆立貝非常肥美,而且唔重雪味。另外,我們仲叫左一客有兩隻的牡丹蝦刺身。體型寵大的蝦刺身的味道鮮甜,個蝦頭仲要有膏tim,鮮甜十足!到左今餐的重頭戲了⋯⋯即切即燒的鹿兒島霜降A4和牛西冷排!呢到係一克一克計的,每$2/克,最少要100克。你落單時同職員講你想要幾多克,之後佢地就會係你面前量一次,當你確定時,職員就會拎比師傅燒架了。今次我們叫左120克,磅出黎就121克,師傅都切得幾準!等左陣就
雖然我去係時候係weekday,不過見餐廳9成坐滿,人氣果然非凡!安排坐位後,我們先叫左兩杯cocktail解下渴。呢杯Fuji Mountain非常吸精,酒的味道唔算太重,換黎的係荔枝的香味。飲落都好易入口,難怪咁多枱的食客者有order呢杯cocktail。
$78
18 views
1 likes
0 comments
朋友仔就叫左一杯Frozen Pineapple Cocktail。對比富士山,呢杯的酒味重少少。不過加左新鮮菠蘿及薄荷葉的Cocktail,味道好fresh,適合呢D炎熱的夏日。
傾左無耐,我們order的北海道珍寶帆立貝刺身就送到了。呢粒帆立貝非常肥美,而且唔重雪味。
$88
21 views
0 likes
0 comments
另外,我們仲叫左一客有兩隻的牡丹蝦刺身。體型寵大的蝦刺身的味道鮮甜,個蝦頭仲要有膏tim,鮮甜十足!
$108
19 views
0 likes
0 comments
到左今餐的重頭戲了⋯⋯即切即燒的鹿兒島霜降A4和牛西冷排!呢到係一克一克計的,每$2/克,最少要100克。你落單時同職員講你想要幾多克,之後佢地就會係你面前量一次,當你確定時,職員就會拎比師傅燒架了。今次我們叫左120克,磅出黎就121克,師傅都切得幾準!
$242
20 views
0 likes
0 comments
等左陣就燒好了!雖然和牛排黎到時唔算太香,但放落口時,牛的香味及油香就係口內浪下浪下,我同朋友仔都大讚!$242就食到燒得香口的日本A4和牛,絶對會返黎encore!
$242
15 views
0 likes
0 comments
師傅燒得牛排剛剛好,絶對無浪費到呢塊和牛!係牛排上面有蒜片,大家可以再點少少岩鹽及提供的日式芥辣去豐富牛排的味道及層次。
$242
23 views
0 likes
0 comments
哈,叫左咁多貴夾唔飽的野,於是我們都叫左一鍋二人前的豐滿廣島蠔伴烏冬去頂下個胃仔。個烏冬鍋係用小gas爐係你面前滾下滾下,當水滾時D菜就會淋身,D蠔就慢慢「跌」落個部隊鍋湯到一齊煮。
$278
13 views
0 likes
0 comments
個鍋一到的時候,我忍唔住數下D蠔,原來都有15、16隻到,相當有份量!食落的味道都幾肥美鮮甜,不過大家要盡快夾起D蠔,如果唔係就會熟得濟架啦。
$278
18 views
0 likes
0 comments
最後,我們都叫一份富士山布甸share黎食。係個日本布甸上會有一舊綿花糖。
當大家影完相時,職員就會用火燒香綿花糖,造成焦糖的效果。蛋布甸都幾香滑,不過加埋綿花糖食,我本人就覺得甜左少少,不過仍然值得一試。
==============================
鍾意我的分享的,我邀請你訂閲我的食評,我會繼續與大家繼續吃掉世界,甚至吃掉整個宇宙!(哈哈)
Post