四季良晨 (新都城中心) (Closed)

台式😋晚餐好耐都無去台灣，但又好掛住台灣既野食，所以食下四季良景。叫左好多野食。開胃小食有涼拌貓耳朵，手拍小黃瓜同滷水豆腐，細細地都吾錯，開胃。台南手工餡餅，兩件夠，餅都多汁，好似小籠包咁juicy。我地兩個人叫咗2款原盅燉湯定食套餐，一個揀咗鹽酥雞排滷肉飯，一個揀咗霸王雞定食，套餐時蔬同原盅燉湯，CP值好高。鹽酥雞排滷肉飯 雞排份量ok多，皮炸到金金黃，雞肉鮮嫩，加埋上次粉，夠味。滷肉飯有台灣feel，吾會太咸。京蔥霸王雞定食 成個餸都惹味，汁酸酸辣辣，京蔥多，雞嫩滑，加上件數量都多，食得好滿足。原盅燉湯，有雞件，菇，蟲草，燉出黎既湯都清甜。食台灣野要配台灣特飲，我地分別叫左凍既百香果QQ綠茶同埋熱既薑蜜薏仁茶。