古今二 (觀塘工業中心)

Open Now

Now Closed

-古今二-@觀塘.餐廳係工廈內，一出𨋢就見到，好易搵。而且同地鐵站好近，位置好方便。.以特色卷物為主打，每卷物造型同食材配搭都好有創意，而且食物選擇好多，價錢又唔貴。.柚想蝦你好大份的沙律，有大蝦、生菜、牛油果、蘋果、中華沙律，加上大量柚子，食落好清新開胃。.黑豚豬頸肉串燒豬頸肉唔係平時食的片形，切成小塊粒形，好爽口。外層燒香再加上少少甜的醬調味，好惹味。.鹽燒雞中翼雞翼已開邊，方便進食。外層同樣燒到焦香，簡單用鹽調味就已經好夠。.古今日式煎餃煎餃底面煎到金黃香口，而另外2面的餃皮好軟身，如果可以稍稍煎香埋就更好。肉餡加埋少許生菜味，食落口感更佳。.忘不了你卷物中開包住軟身芝士同炸牛肉，牛肉唔韌，芝士味好重，咬落口感好多層次。上面加上牛油果醬及沙律醬調味，整體味道不錯。.鰻魚青瓜巻相對比較常見的卷物，青瓜絲份量偏少，而鰻魚好柔軟，主要係用燒汁提味。