麵麵 (Closed)

今日同媽媽出咗九龍之前見人哋打卡有個一格格嘅麵好得意於是想帶阿媽去食吓點知上到去先知原來個格格麵要晚市先有😂唔緊要個午市餐牌都幾吸引叫咗一個餐再加兩個小食見佢餐廳有魚麵同魚烏冬兩個都想試所以就叫咗個Twins個碗好特別😆問咗侍應姐姐邊款先係麵邊款先係烏冬等我哋可以試真啲個人嚟講覺得個麵特別啲個口感好似有啲一粒粒麥喺入面咁好好食！暫時咁大個女都未食過有一款麵係咁嘅咬口😹隨餐附送嗰三款小食都幾唔錯個小甜薯超甜媽媽話個湯都好好飲揭吓枱面個餐牌就知點解咁鮮了之後嚟嘅小食係越式豆腐同流心蛋流心蛋真係超流心豆腐都好滑就咁簡簡單單配個酸甜汁已經好出色我哋連啲沙律菜都食晒😆好爽脆凍朱古力係我叫🤫都幾濃不過叫咗少冰都仲係幾多冰🙈我哋仲叫咗個明太子雞翼雞翼應該半煎炸非常香口一咬開超多明太子🤤叫午餐加小食仲有八折如果好似我哋今日咁唔想食太飽咁食法都不錯！