Sodam Chicken (Closed)

平時我好鐘意食炸雞，見呢間餐廳有多款唔同口味嘅炸雞，所以去試吓！當日我試咗佢地嘅炸雞焗雞放題，除咗可以食唔同味道嘅炸雞，仲有pizza 同各款小食！咁多款炸雞焗雞，我最鐘意食《黃金鹹蛋炸雞》同《濃蒜炸雞》！不過可能我口味較濃，感覺味道比較清淡，同埋乾小小，如果可以加多啲醬汁就好啦！另外，佢哋嘅紫菜薯條同沙律都值得一試！紫菜新鮮熱辣脆卜卜，沙律菜酸酸地幾開胃！不過留意返，飲品方面需要另外加購的，我叫咗《提子特飲》同《菊花蜜特飲》，飲品外觀設計用心，份量超大杯！