友誼泰國菜館 (Renamed) View

同呢個朋友次次都係即興先約到，又係衝上佢架車之後兩條友先再諗食乜。有人揸車喎，梗係去平時少去既九龍城啦，仲要佢推介間話幾好食既泰國野，一於試下。明明我講左話唔餓，點知兩個人嗌到一枱都係😂佢話呢個係必嗌既檸檬燒牛肉。喂，堅係好食，啲肉係粉色，咬落去唔韌，個汁酸酸地幾開胃，重點係，有肉味！😋好食過出面啲幾百蚊塊扒，仲要medium rare出到黎變左medium🙄辣妹就梗係要嗌辣野啦，一食落去(係呀，我又忍唔住食左先影😂)，以為自己嗌錯左。佢呢隻辣椒膏有啲椰味，同平時既有啲唔同，係特別既。👍🏻唔少得既冬蔭公同馬拉盞椰菜苗。兩個人份都好大鍋，每人起碼兩碗👍🏻椰菜苗我一定偏心話好食既，不能作準😋椰青又係有驚喜！自從係泰國試過一次新鮮椰青之後就番唔到轉頭🙈今次難得個椰青唔老，啲肉用匙輕輕括出黎就得👍🏻唔係友人㩒住我，我又椰青當飯食啦😂