Read full review
2014-02-20
8128 views
好友係high tea 狂熱，所以個幾月前已經mark 定我地schedule，book 定呢度既下午茶餐喇!因為要三點先可以入，所以登記左之後就帶左我地去lounge戈度坐，夠鐘就有staff帶返我地入去餐廳坐。不過呢日太陽伯伯十分 "給力"，被安排坐喺落地玻璃傍邊既我地，即刻要求坐隔離卡位，侍應話要check下有無人request左先，好彩無人request，如果唔係就成餐都要曬太陽喇~安頓好哂之後就要揀飲咩喇~除咖啡同基本既茶之外，仲有玫瑰香片茶、薰衣草菊綠茶、桂花烏龍茶、人參烏龍茶、甜蜜回憶茶...甜蜜回憶茶? 咩黎架? 雖然侍應解釋左係咩，不過已經唔記得左入面有咩茶葉lu，只可以講係苦苦澀澀，唔同其他茶咁有香味，仲被朋友笑 "係咪你d回憶苦，所以d茶苦咋!" 無言...... 上完茶之後就有細細杯既湘蓮百合杏仁茶，質地比較稀，杏仁味突出，無平時既杏仁茶咁甜，較清淡，唔會飲完之後蓋過之後既食物味道。跟住好快就上中式點心，賣相非常精緻，蒸籠仔內有松露南瓜餃 & 甫魚燒賣皇 ，用上南瓜皮做既松露南瓜餃有好香既南瓜味，加埋裡面既什菌，味道清新，最啱喜愛食菇既我~甫魚燒賣皇 - 雖然用
因為要三點先可以入，所以登記左之後就帶左我地去lounge戈度坐，夠鐘就有staff帶返我地入去餐廳坐。
不過呢日太陽伯伯十分 "給力"，被安排坐喺落地玻璃傍邊既我地，即刻要求坐隔離卡位，侍應話要check下有無人request左先，好彩無人request，如果唔係就成餐都要曬太陽喇~安頓好哂之後就要揀飲咩喇~除咖啡同基本既茶之外，仲有玫瑰香片茶、薰衣草菊綠茶、桂花烏龍茶、人參烏龍茶、甜蜜回憶茶...甜蜜回憶茶? 咩黎架? 雖然侍應解釋左係咩，不過已經唔記得左入面有咩茶葉lu，只可以講係苦苦澀澀，唔同其他茶咁有香味，仲被朋友笑 "係咪你d回憶苦，所以d茶苦咋!" 無言......
上完茶之後就有細細杯既湘蓮百合杏仁茶，質地比較稀，杏仁味突出，無平時既杏仁茶咁甜，較清淡，唔會飲完之後蓋過之後既食物味道。
跟住好快就上中式點心，賣相非常精緻，蒸籠仔內有松露南瓜餃 & 甫魚燒賣皇 ，用上南瓜皮做既松露南瓜餃有好香既南瓜味，加埋裡面既什菌，味道清新，最啱喜愛食菇既我~甫魚燒賣皇 - 雖然用魚黎做燒賣，不過味道較普通。食完熱食就到炸物，千絲鳳尾蝦 - 香脆既絲絲包住鳳尾蝦，有點兒包得太實，唔太食得出蝦味，不過都算彈牙...鳳梨鵝肝酥 - 比較失望既菜式，完全唔覺入面有鳳梨同鵝肝，只係一個普通既酥，如果唔係朋友話係鵝肝，我食完都唔覺~葡汁蟹肉酥 - 葡汁十分香濃，配上蟹肉絲，口感特別，係比較喜愛既鹹點。蜂巢脆芋角 - 外脆內軟，芋頭好香，絕無油膩感覺。總括而言，中式點心口味比較清新，唔會好似茶樓咁，食完好滯好"漏"。
食完點心後，唔知係咪侍應見我地傾得高興唔打擾我地，見其他人上哂甜品，但我地等左好耐都未有...不過都可能係四點幾，侍應夠鐘落場，無人理我地，想加水都要等人出現先叫到........好啦，終於見到靚靚兩層架喇! 大家都不禁嘩左一聲~真係十分精緻! 先食下層玫瑰煙鴨胸蝴蝶夾，暖暖的，鴨胸唔會太硬，塗上海鮮醬，唔錯!
之後真正到甜品喇~紅莓檸檬芝士球 - 酸酸甜甜，味道清新，唔錯! 芝麻脆餅 - 口感特別，外面既芝麻餅脆，加上中間既有d厚身既朱古力mousse，值得推介! 栗子法式焦糖燉蛋 - 應該係比較唔花巧既一款甜品，焦糖燒得唔夠，味道較為普通。而甜品中較為歡喜既桂花荔枝啫喱 - 荔枝酸酸甜甜，好香，荔枝下既桂花啫喱，較清甜，可清清口腔既荔枝味。朱古力茉莉花蛋糕 - 香濃既茉莉花味加上特濃朱古力蛋糕，配合得好好! 最後既係松露朱古力 - 原本以為係硬既朱古力，但一擺落口已經溶化，非常香濃!
總括而言，整個下午茶餐感覺健康，味道清新，造型精緻，不過可能食之前有太高期望，食完有種不外如是既感覺。但以每set HK$488+ 既價錢，都算物超所值既~
Post
