至尊滿屋日本料理 (Closed)

趁小朋友考完試，就同佢哋輕鬆吓，因為小朋友又唔食得多，所以搵咗間價錢較便宜嘅日本放題擦餐勁。平日成人$238，每位仲有$30蚊折扣，即係免收加一啦！餐廳環境裝修唔差，地方算清潔，坐嘅空間都算鬆動！仲見到有兩間VIP房，應該可以坐到8-10人。嘩！真係真材實料！三文魚、蝦刺身、螺、鮑魚、帶子，全部刺身堅鮮甜。鐘意食海鮮嘅我，食完刺身，緊係要試埋其他海鮮款式啦！有炒蜆、咖啡蟹、酒煮花甲。呢個蟹膏蟹肉煲仔飯好足料，仲有飯焦，好有大排檔風味。