肉骨皇 (Closed)

圖書館，肉骨茶，喇沙，有關聯嗎?本來應該係冇關係嘅，但因疫情關係，圖書館閂咗有一排時間，終於呢個禮拜開咗，仲要係大型嗰D，細型嘅就冇份喇。平時唔多珍惜嘅嘢，突然變得好重要，呢日就約朋友去中央圖書館睇書，咁飯都要吃嘅，就約咗喺天后附近的大坑搵食，事關銅鑼灣人多，無謂同D人逼餐死。行行吓見到呢間『肉骨皇』，見啱吃就咁入咗去。叫咗個招牌肉骨茶，可跟白飯，油飯或米粉，照顧唔同人需要，非常之好，但識吃嘅當然嗌白飯，好似比較地道D，有個石油氣爐可以keep住溫度，亦係老闆的細心，抵讚。濃郁的當歸藥材味真係好地道，老闆好好人，話唔够可以加啲，聽到佢同隔離枱啲人亦係話咖喱唔够都可以再添。另一個餐係海鮮喇沙配摻掺，海鮮有蝦，大蜆，青口，魷魚圈，都好足料亦好味。仲有加15蚊就有2串牛肉沙爹，加10蚊就有時菜亦好抵。