Read full review
2019-02-16
458 views
真心，係好食嘅，除咗"有骨"嗰款嘅炸粉&皮太厚，無乜肉食之外。不過，最大鑊係成日俾錯雞。我食過呢間Nene Chicken大概6次，但已經有2次俾錯咗雞。上次因為係堂食，所以可以即刻更正，但睇得出唔係重新整過一份，衹係將"大葱炸雞"上面D青色大葱攞走，再加番D洋蔥&醬汁喺面，而變成我原本order嘅"白郡主炸雞"。點解我會咁樣認為？因為仲有幾條青葱喺入面，未攞走曬。不過算啦，味道最緊要，照食。今次自取外賣，我6點半去到，衹有1~2枱食客，諗住做early bird，唔駛同人迫啦，職員話大概等15~20分鐘，叫我行下商場先，點知足足等咗三十幾分鐘先有……我叫咗"雙重滋味炸雞"，可自選2款雞。攞到雞之後好開心，一路行一路聞到好香，返到屋企即刻打開，😱😱😱，又俾錯！我嘅"甜辣炸雞"竟然變咗"初雪炸雞"😢。說好的自選呢？？好在我都係芝士嘅愛好者，如果唔係就真係唔知點算，唯有阿Q精神，慶幸佢無俾錯個"大韓炸雞"🌶🌶俾我，因為太辣，我真係食唔到😭。
我食過呢間Nene Chicken大概6次，但已經有2次俾錯咗雞。
上次因為係堂食，所以可以即刻更正，但睇得出唔係重新整過一份，衹係將"大葱炸雞"上面D青色大葱攞走，再加番D洋蔥&醬汁喺面，而變成我原本order嘅"白郡主炸雞"。點解我會咁樣認為？因為仲有幾條青葱喺入面，未攞走曬。不過算啦，味道最緊要，照食。
今次自取外賣，我6點半去到，衹有1~2枱食客，諗住做early bird，唔駛同人迫啦，職員話大概等15~20分鐘，叫我行下商場先，點知足足等咗三十幾分鐘先有……
我叫咗"雙重滋味炸雞"，可自選2款雞。攞到雞之後好開心，一路行一路聞到好香，返到屋企即刻打開，😱😱😱，又俾錯！我嘅"甜辣炸雞"竟然變咗"初雪炸雞"😢。說好的自選呢？？好在我都係芝士嘅愛好者，如果唔係就真係唔知點算，唯有阿Q精神，慶幸佢無俾錯個"大韓炸雞"🌶🌶俾我，因為太辣，我真係食唔到😭。
Post
