Video
Read full review
2008-10-25
8 views
短短3個月已經係第3次黎呢度同人慶祝, 而"泰日美食"亦做埋10月31就完, 可謂臨別秋波!!!今次係為男朋友的爸爸慶祝生日, 因之前婿伯及伯友都覺得呢度唔錯, 紅白酒啤酒等各飲品又任飲, 所以最終都唔去北角海逸而黎咗呢度7點多去到已經好旺場, 快快出去拎野食...冷盤食物 有海鮮: 小龍蝦、凍蟹、蝦、長腳蟹同青口(p.s我終於初步克服咗同蠔差唔多樣嘅東西)------海鮮味道唔錯, 有少少海水嘅咸鮮係度壽司bar: 係自助式"燙"櫃夾既, 今次比上兩次進步咗, 新鮮好多, 三文切得厚又新鮮, 冇之前咁雪到凍冰冰又唔靚, 款式比之前感覺多咗, 可能今次有我最中意嘅甜蝦, 不過要自己去殼, 不過都好, 好過俾d人夾到爛晒見青口幾好食(雖細隻d)番追咗, 個冷麵都係保證, 次次黎都食, 芥末豆腐(唔好味), 同場仲有幾款泰式沙律, 圖中嘅粉絲好好食, 仲有d雜肉, 煙三文, 同埋唔知點解有燒雞斬件擺係度 熱盤: 有椒盬瀨尿蝦、咖哩炒蟹、照燒雞、豬頸肉、蒸斑、炒時蔬、炒麵、燴牛尾等, 有10款左右啦特式BAR", 有日式蒸蛋(原蛋上好好味)、燒蔬菜、日式燒餅、燒雞翼、蝦春卷、炸芋條、PIZZ
短短3個月已經係第3次黎呢度同人慶祝, 而"泰日美食"亦做埋10月31就完, 可謂臨別秋波!!!
今次係為男朋友的爸爸慶祝生日, 因之前婿伯及伯友都覺得呢度唔錯, 紅白酒啤酒等各飲品又任飲, 所以最終都唔去北角海逸而黎咗呢度
7點多去到已經好旺場, 快快出去拎野食...
冷盤食物 有海鮮: 小龍蝦、凍蟹、蝦、長腳蟹同青口(p.s我終於初步克服咗同蠔差唔多樣嘅東西)------海鮮味道唔錯, 有少少海水嘅咸鮮係度
壽司bar: 係自助式"燙"櫃夾既, 今次比上兩次進步咗, 新鮮好多, 三文切得厚又新鮮, 冇之前咁雪到凍冰冰又唔靚, 款式比之前感覺多咗, 可能今次有我最中意嘅甜蝦, 不過要自己去殼, 不過都好, 好過俾d人夾到爛晒
見青口幾好食(雖細隻d)番追咗, 個冷麵都係保證, 次次黎都食, 芥末豆腐(唔好味), 同場仲有幾款泰式沙律, 圖中嘅粉絲好好食, 仲有d雜肉, 煙三文, 同埋唔知點解有燒雞斬件擺係度
熱盤: 有椒盬瀨尿蝦、咖哩炒蟹、照燒雞、豬頸肉、蒸斑、炒時蔬、炒麵、燴牛尾等, 有10款左右啦
特式BAR", 有日式蒸蛋(原蛋上好好味)、燒蔬菜、日式燒餅、燒雞翼、蝦春卷、炸芋條、PIZZA、末茶布甸等, 同埋叫廚師切豬腿肉同牛扒, 行過跟手仲攞埋個蟹肉魚翅(西湯: 忌廉粟米火腿--唔睬佢啦)
呢個BUFFET仲有每日唔同又免費任ORDER嘅"精選美食", 今次係...
1)泰式咖哩芝麻春卷、2)蝴蝶蝦、3)吉列一口豚肉、4)炸軟殼蟹
甜品區: 有廚師整鮮果PANCAKE、大福餅、芒果椰汁黑糯米、cheesecake、mousse cake,、朱古力餅、杏甫撻同D甜品杯等, 仲有雪糕雪條(不過就係牛奶公司).....都幾多款...邱生哥哥成晚就食甜品飽咗
同場仲有紅豆沙、雞粥、特別麵包、鮮菜沙律BAR(有黑醋汁供應)、咖啡機沖唔同咖啡等....
今餐坐咗好耐, 掛住傾計坐到人地9:30PM收BUFFET先識走, 埋單每位折完加埋一都係$206/位, 好抵.......而我就攬住個肚坐車車返屋企喇happy happy
Post
