Video
Read full review
2014-10-30
2168 views
今天到中環開會，開完會已經是晚上接近7時左右，怱然感到肚子有空虛，於是，兩人都到附近尋食，因為唔係好熟路的關係，又見周圍都無見到有得食野的地方。行行下之際，終於開始見到有大家樂、大快活，但有心裡面諗：難得黎到中環，真係誇張d黎講，十年難得一遇，當然想食d特色d的野，於是，又再次尋覓一番。幾經辛苦，我地一見橫街小巷，就頓然覺得前面有曙光等緊我地，填補我地肚子。一陣陣濛濛的煙，猛烈的炒鑊聲，心裡有黯然的喜悅。一條街，徘佪了兩轉，心思思要去揀間坐低食，就決定了食盛記，我地都望到好多人都係呢邊食，以多人食的地方為好食的觀念就選擇係度食。一張張四腳枱，一張張膠凳，具傳統懷舊風味十足。睇到餐牌都有好多野食，形形色色的小菜都有，好難想像到一個小小廚房仔都可以炒到呢D小菜，仲要有返咁上下的食客，勁！最後點左豆豉雞同豆腐班腩煲。有用豆豉黎炒到大大件雞件炒到很夠鑊氣，d雞炒到剛剛好嫩唔 ‘鞋’肉，又會有D結結地的汁送飯；豆腐班腩煲，熱辣辣送上枱，成煲好多料，只係簡單的豆腐同班腩，配搭到好惹味，咁樣的口味，令到我地咁細食的人，頓時變得大食左，食幾多碗飯都仲得呀！係食的過程中，坐我地一枱對面係兩夫妻，佢地主動
今天到中環開會，開完會已經是晚上接近7時左右，怱然感到肚子有空虛，於是，兩人都到附近尋食，因為唔係好熟路的關係，又見周圍都無見到有得食野的地方。行行下之際，終於開始見到有大家樂、大快活，但有心裡面諗：難得黎到中環，真係誇張d黎講，十年難得一遇，當然想食d特色d的野，於是，又再次尋覓一番。幾經辛苦，我地一見橫街小巷，就頓然覺得前面有曙光等緊我地，填補我地肚子。一陣陣濛濛的煙，猛烈的炒鑊聲，心裡有黯然的喜悅。一條街，徘佪了兩轉，心思思要去揀間坐低食，就決定了食盛記，我地都望到好多人都係呢邊食，以多人食的地方為好食的觀念就選擇係度食。一張張四腳枱，一張張膠凳，具傳統懷舊風味十足。睇到餐牌都有好多野食，形形色色的小菜都有，好難想像到一個小小廚房仔都可以炒到呢D小菜，仲要有返咁上下的食客，勁！最後點左豆豉雞同豆腐班腩煲。有用豆豉黎炒到大大件雞件炒到很夠鑊氣，d雞炒到剛剛好嫩唔 ‘鞋’肉，又會有D結結地的汁送飯；豆腐班腩煲，熱辣辣送上枱，成煲好多料，只係簡單的豆腐同班腩，配搭到好惹味，咁樣的口味，令到我地咁細食的人，頓時變得大食左，食幾多碗飯都仲得呀！係食的過程中，坐我地一枱對面係兩夫妻，佢地主動同我地傾下日常生活趣事，一邊食一邊傾，生趣得多，係呢度，不但食到好野，仲食到人情味，感受到幸福滿溢！您地自問係心急的人，就要考慮下食唔食呢間，因為你唔好諗住好快有得，要俾少少耐性，千萬唔好催單，都要受少少考驗，忍耐下。
Post
