山旮旯 (Closed)

呢間餐廳個名好得意，成日響‪香港仔隧道‬坐車出銅鑼灣都見到佢，但就一路都未去朝聖皆因佢實在係有啲隔涉，不枉佢個名叫山旮旯。有日下午茶時間響銅鑼灣，未食晏晝但又有排先到夜晚，終於的起心肝行過去試一試。其實都唔算太遠，時代廣場過去唔使15分鐘就到，一去到發覺。。包場！！果然係山旮旯！餐廳裝修好得意，幾有香港特色，亦都有手工啤酒，但我地要留肚食晚飯，所以淨係叫tea set就算喇。另一半叫左個火腿牛角包，自己就叫左個煙肉蛋熱香餅，點知超大份。。仲諗住留肚，爆肚都有份。味算不過不失，唔算有驚喜，下次有機會嚟happy hour再試下佢啲酒。