Read full review
2021-06-03
1566 views
上網睇駱駝漆有咩食，呢一間係第一名、最出名，所以前排同咗朋友試咗佢哋個二人餐($796/2)🥰。原來有好多嘢食，一餐可以食到刺身、壽司、燒肉壽喜燒🤩，有選擇困難症嘅朋友都一定啱。時令沙律我哋撈勻先食，沙律主要嘅味道係香橙味🍊，我哋覺得比較特別，仲有啲橙皮添。因為一般前菜沙律可能都係和風沙律或者柚子醋沙律🥗，呢個新鮮感高。除咗有基本沙律菜之外，仲有雞肉喺入面😚。整個感覺好fresh，係一個好好嘅醒胃菜🤪。刺身盛當日刺身有廣島蠔、三文魚腩、拖羅、油甘魚、海蝦同時令嘅螢光魷魚。廣島蠔相當大隻，同電話差唔多🤩。店員指廣島蠔🦪比較淡味，建議可以加啲檸檬汁或者cocktail sauce. 不過我就咁齋食有夠味。(唔聽話🙈) 蠔味清新，帶海水味，唔會好鹹。食落去好滿足，蠔身大隻又厚肉，好想encore😋。其他刺身都好高質，三文魚肥美；拖羅入口即溶，師傅特意斷筋；海蝦大隻，有好多鮮甜蝦膏，唔會有陣腥臭味，唔新鮮咁😛。壽司盛當日有三款壽司，其中一款係海膽，另外係深海池魚同帶子，仲加個咗特色嘅柚子啫喱。海膽大件，其實都幾厚身，新鮮鮮甜😚。深海池魚肥美，帶少少爽。帶子都大粒，甜身。壽司飯軟硬適中。而柚子啫
時令沙律
我哋撈勻先食，沙律主要嘅味道係香橙味🍊，我哋覺得比較特別，仲有啲橙皮添。因為一般前菜沙律可能都係和風沙律或者柚子醋沙律🥗，呢個新鮮感高。除咗有基本沙律菜之外，仲有雞肉喺入面😚。整個感覺好fresh，係一個好好嘅醒胃菜🤪。
刺身盛
當日刺身有廣島蠔、三文魚腩、拖羅、油甘魚、海蝦同時令嘅螢光魷魚。廣島蠔相當大隻，同電話差唔多🤩。店員指廣島蠔🦪比較淡味，建議可以加啲檸檬汁或者cocktail sauce. 不過我就咁齋食有夠味。(唔聽話🙈) 蠔味清新，帶海水味，唔會好鹹。食落去好滿足，蠔身大隻又厚肉，好想encore😋。其他刺身都好高質，三文魚肥美；拖羅入口即溶，師傅特意斷筋；海蝦大隻，有好多鮮甜蝦膏，唔會有陣腥臭味，唔新鮮咁😛。
壽司盛
當日有三款壽司，其中一款係海膽，另外係深海池魚同帶子，仲加個咗特色嘅柚子啫喱。海膽大件，其實都幾厚身，新鮮鮮甜😚。深海池魚肥美，帶少少爽。帶子都大粒，甜身。壽司飯軟硬適中。而柚子啫喱面上鋪咗蟹柳絲，柚子啫喱幾清新，可以清一清之前食刺身有啲肥膩嘅感覺🤓。
日式燒肉
原來會有店員專人幫你燒肉，咁我哋有三款燒肉，包括薩摩牛、牛小排同牛舌😍，咁佢嘅牛肉係冇經過醃製🥩，所以食到原汁原味。
薩摩牛係A5和牛- 雖然係高級和牛，但佢唔會淨係得牛脂味，仲會出到香濃肉味🤤，做到一個平衡。因為佢係空腹部位嘅牛肉，所以食落就比較爽口。
牛小排- 睇牛小排個樣，佢嘅油脂分布都唔會比和牛遜色，呢款肉味更重，肉質軟冧。店員特別建議牛小排可以略加岩鹽調味，更出肉香😙。
牛舌- 牛舌大片薄身，口感爽身😘，正常發揮。
鍋物 (壽喜燒)
壽喜燒配咗M9和牛同北海道豚肉，每款都有五大片。和牛輕輕淥一淥已經夠晒，食落香牛味，又冇筋位，唔會韌，加埋生雞蛋就變得更滑身。豚肉來自北海道，肉味相對較重。壽喜燒入面仲有金菇、粉絲等食材，湯底帶甜。
總括而言，其實二人餐份量好多，我哋兩個都食到好飽🤤，仲有雪糕添。最好係餐廳可以一次過食到幾款日式料理，味道同食材都幾好。
Post
