Video
Read full review
2018-11-08
71 views
第一次食呢間野，嗌咗啲基本串燒：牛舌，牛柳串，雞蔥串，白鱔，芝士翠玉瓜。牛舌係非常非常好食！真係真係厚切！！燒得啱啱好，唔會係嗰種完全跑唔開或者好淋嗰種！嗌牛柳串嗰陣都冇留意，直至佢上菜嗰陣同我講話小心，先發現佢會有呢個火焰嘅效果，講真$88同出邊價錢差唔多，但係整埋呢啲效果野花晒心機真係好少有。雞蔥串同芝士翠玉瓜都係好食嘅。白鱔來講，通常都好難處理，但係佢燒得啱啱好，又唔會燶，肉質亦都唔會係嗰啲一咬就發現好梅嗰種。海膽蟹籽杯，好足料，呢個價錢算係咁啦真係！鰻魚茶漬飯湯底食得出用咗鰹魚湯底，飯素都唔吝嗇，鰻魚都唔錯。最後杯特飲，菠蘿味好出，但係唔會有過甜嘅感覺，薄荷嗰個清新就可以啱啱好balance返！會再食嘅，特別係牛舌同牛柳串！
牛舌係非常非常好食！真係真係厚切！！燒得啱啱好，唔會係嗰種完全跑唔開或者好淋嗰種！
嗌牛柳串嗰陣都冇留意，直至佢上菜嗰陣同我講話小心，先發現佢會有呢個火焰嘅效果，講真$88同出邊價錢差唔多，但係整埋呢啲效果野花晒心機真係好少有。
雞蔥串同芝士翠玉瓜都係好食嘅。
白鱔來講，通常都好難處理，但係佢燒得啱啱好，又唔會燶，肉質亦都唔會係嗰啲一咬就發現好梅嗰種。
海膽蟹籽杯，好足料，呢個價錢算係咁啦真係！
鰻魚茶漬飯湯底食得出用咗鰹魚湯底，飯素都唔吝嗇，鰻魚都唔錯。
最後杯特飲，菠蘿味好出，但係唔會有過甜嘅感覺，薄荷嗰個清新就可以啱啱好balance返！
會再食嘅，特別係牛舌同牛柳串！
Post
