嵐橋日本料理

Open Now

Now Closed

甜蝦刺身($78) /中拖羅刺身($158) /油甘魚刺身($68)，三款食材好新鮮，食落有魚既鮮甜味，中拖羅肉質好好唔會食到有筋位，油甘魚就有雙重口感，淺色部位較軟，深色部位就較爽口。帆立貝壽司($76) /深海池魚壽司($96)，巨型帆立貝簡直係物有所值，平時好少見到又厚又大，食落好滑仲有軟綿綿，池魚口感同樣好爽口，值得一提係醋米壽司飯，米飯帶有黏性唔會一夾就散，師傅手勢好有功架。薩摩赤雞腿肉($34)，雞腿燒到鎖住肉汁，唔會好鞋好乾身，配埋店家自製醬汁，呈半溶狀態，味道似有明太子混合千島醬之類。厚牛舌($52)，厚切形狀食落可以啖啖肉口感，牛舌好爽，燒得岩岩好。鹿兒島黑豚秋葵卷($38)，黑豚用左脂肪比例較多部位，咬落去之後會擠出油脂香味滲落秋葵到，好香口。吉列廣島蠔($98)，外層粉漿炸得好薄好脆，而且唔會有油膩感覺，即炸既口感確係唔同d。鯛魚湯鍋燒烏冬($148)，比我印象最深刻既係個魚湯，好濃郁既鮮甜味，自己都忍唔住飲左幾碗，其他配菜同樣吸左湯既味道。