炊豕店 (加路連山道) (Closed)

如果你喜歡食炸豬排，炊豕店應該會係你個list度。炊豕店就係一家專門烹調豬肉的小店。銅鑼灣，中環，長沙灣都有分店，今次吃的是銅鑼灣店。作為”豬”的專門店，除咗豬扒，豬軟骨、豬手、厚餐肉等都有得食，而且在烹調上也花上心思。我自己都係鐘意食炸豬扒，入到嚟當然識做。蔥油豬扒飯 $64 (加餐肉 $10)秘製豬扒飯(肉燥汁) $60 (加煎蛋 $10)主角豬扒大大塊，新鮮炸起熱辣辣，炸得香脆好吃，而且豬扒香嫩不乾身。最重要唔係大而無當，係厚切，絕不吝嗇，大啖大啖咬落去，非常滿足。蔥油豬扒飯 - 在香脆炸豬扒加上蔥油的鹹香，會令你忘記炸豬扒既邪惡，食唔停口，難怪是最好賣的。另一碗豬扒飯則選擇配肉燥汁，肉燥汁香濃入味，配合酥脆炸豬扒，又是另一種享受。其實單單一碗豬扒飯都已經好夠份量，如果你想追求埋視覺上享受，可以好似我咁加隻煎蛋或加塊餐肉，成個畫面就更豐富。