八幡屋涮涮鍋 (Closed)

今日同朋友出旺角食放題旺角出名放題多選擇，咁啱我哋見到有間做緊星期一至四二人同行一人半價，就決定食佢。佢係半自助任食，甜品蔬菜嘢飲可以喺吧枱拎，其他刺身肉類就可以數QR code落單，選擇都好多。湯底湯底我哋就叫咗壽喜燒同埋麻辣湯底，麻辣可以揀辣度，同行嘅朋友唔食得辣，所以叫左小辣。壽喜燒湯底好夠味，淥牛肉唔會搶左肉味。麻辣湯底偏藥材味嘅辣，似台式麻辣，淥海鮮就啱啱好啦！刺身方便種類都幾多選擇，有帶子、螺肉希靈魚、三文魚等，仲小比較少見嘅鯛魚、吞拿魚同劍魚臉等。刺身好新鮮，落完單好快就有，唔會有拖單嘅情況出現。鯛魚食落有小小泥味，反而我好欣賞劍魚腩，好肥美。肉類我哋揀嘅係C3套餐，牛肉可以揀M5和牛、牛肩胛同進口牛等5種肉類。肉類係簿切，可以試曬咁多款。我最欣賞佢嘅和牛，牛味好濃，但又唔膩。海鮮海鮮選擇唔算多，但帆立貝、蝦、蠔同螺等常見嘅海鮮都齊曬。蝦肉爽口彈牙，貝殼類食落無沙。