牛魔 (Closed)

今日下午來到尖沙咀棉登徑8號地下5-6號舖「牛魔」， 叫得牛魔梗係埋晒我呢個牛魔王，而且仲要係韓式餐館，成為韓迷必來幫襯。餐廳裝修設計很有韓國風味， 牆壁上有一位韓國女子 ，而每張枱都有自助啤酒及燒烤爐， 十足十韓國燒烤場。今個下午唔燒烤，要來一個「 安格斯特選牛肉眼丼飯餐」， 配有特選湯，特選湯是韓式海帶湯。套餐包括了前菜小碟，必定有泡菜、芽菜及酸青瓜，還有沙律菜一份，前菜非常清爽開胃。韓式海帶湯都很清甜順喉，很正宗韓國風味啊！至於主菜是安格斯特選牛肉眼，肉質腍鮮嫩多汁，有牛肉香，而且份量十足，我差點吃不完，質素很不錯。