Video
Read full review
2023-05-03
42 views
呢間主打日式串燒嘅居酒屋推出咗一個午市日式串燒定食，$200唔使就可以自選七串串燒，星期六日都可以去，仲包主菜同飲品，都幾抵食！餐廳來自日本大阪，採用咗傳統日本居酒屋嘅設計，仲有榻榻米房間🎎，和風氣氛十足，打卡一流！佢嘅串燒選擇好多，可以溝埋即叫即炸嘅吉列串揚一齊揀，有部份仲可以優惠價加購其他款式嘅串燒㗎～午市時間好爆場，想試嘅話記得要book位呢！------------------------------🍱◖七串套餐◗ $198今次同朋友去叫咗兩個七串嘅套餐，每個套餐都包七款串燒/串揚、一個主菜同一杯飲品。仲可以試埋佢哋嘅椰菜沙律🥬，有一碟原片日本溫室椰菜，點佢秘製醬汁，酸酸地甜甜地咁，帶得出椰菜嘅鮮甜，幾開胃！每台都有一個自己嘅調味盤，有秘製辣醬、鹽、豉油、山椒同辣粉，可以根據自己嘅口味落返唔同嘅調味粉去啲串燒到，更加惹味～🍢串燒▪️雞肉紫蘇卷▪️柚子豚肉燒✨▪️京蔥雞✨▪️芝士蕃茄雞肉▪️牛舌（+$5）✨推薦柚子豚肉燒🐖，有兩塊豬腩肉，肥瘦均勻，豬皮部位好爽脆，加咗清新嘅柚子調和，完全唔覺得油膩！京蔥雞🐓同牛舌👅都值得一試，燒過嘅京蔥香味，同雞肉嘅配搭好香好夾；牛舌嘅牛味都好香濃，幾爽
佢嘅串燒選擇好多，可以溝埋即叫即炸嘅吉列串揚一齊揀，有部份仲可以優惠價加購其他款式嘅串燒㗎～午市時間好爆場，想試嘅話記得要book位呢！
------------------------------
🍱◖七串套餐◗ $198
今次同朋友去叫咗兩個七串嘅套餐，每個套餐都包七款串燒/串揚、一個主菜同一杯飲品。仲可以試埋佢哋嘅椰菜沙律🥬，有一碟原片日本溫室椰菜，點佢秘製醬汁，酸酸地甜甜地咁，帶得出椰菜嘅鮮甜，幾開胃！
每台都有一個自己嘅調味盤，有秘製辣醬、鹽、豉油、山椒同辣粉，可以根據自己嘅口味落返唔同嘅調味粉去啲串燒到，更加惹味～
🍢串燒
▪️雞肉紫蘇卷
▪️柚子豚肉燒✨
▪️京蔥雞✨
▪️芝士蕃茄雞肉
▪️牛舌（+$5）✨
推薦柚子豚肉燒🐖，有兩塊豬腩肉，肥瘦均勻，豬皮部位好爽脆，加咗清新嘅柚子調和，完全唔覺得油膩！京蔥雞🐓同牛舌👅都值得一試，燒過嘅京蔥香味，同雞肉嘅配搭好香好夾；牛舌嘅牛味都好香濃，幾爽脆！
🍤串揚
▪️三文魚
▪️年糕✨
▪️茄子（+$5）
▪️蝦 （+$5）✨
▪️北海道帶子串（+$10）✨
佢嘅炸物炸皮比較薄，入口酥脆又唔膩，可以配佢個秘製辣醬，更惹味！覺得佢個年糕🍡有驚喜，搽咗啲秘製醬油先去炸，食落香脆又甜甜地！另外佢嘅蝦同帶子都值得一試，食材高質幾鮮甜👍🏻～
🍙主菜
▪️燒飯團（味噌）✨
▪️燒飯團（醬油）✨
燒飯團燒得外脆內軟，外層有啲焦香，裏面嘅飯粒軟糯有咬口，兩隻口味都值得推介！味噌味搽咗一層味噌醬喺上面去燒，鹹鹹地又有啲鮮味；醬油味裏面有餡，有啲鹹菜喺裏面作簡單調味，口感味道都唔錯！
🍵飲品
▪️凍烏龍茶
▪️綠茶
🌟 Encore指數：8.5/10
Post
