尚素 (Closed)

近來個肝有事所以就食多咗素。 我發覺原來觀塘都有幾間素食店，呢間比較裝修比較靚啲舒服啲，佢竟然有下午茶自助餐，望個餐牌非常豐盛，78蚊一位，下次會一試。今次試咗晚市套餐先，388蚊兩位。個人比較欣賞佢既馬拉炒腸粉同露筍苗百合炒竹笙，兩個都炒得入味又靚。套餐裏面嘅飯同老火湯就一般。前菜嘅xo醬拌百頁豆腐 口感非常爽，非常似魚蛋片。我哋另外加咗黃金咕嚕魔芋(88蚊)，呢個係我最欣賞嘅菜，好香脆又特別。呢間嘢有啲比較少有嘅茶，我哋試咗滇紅茶，暖胃對經期好，不過質素就一般般。