Video
Read full review
2019-10-13
40 views
最近發現「渝味曉宇」尖沙咀店原來做緊午市免費鍋底！雖然本身鍋底價錢都唔係好貴（每位$38），不過慳得一蚊得一蚊，當然唔執輸要午市時間去食下啦🥳黎到門口就見到一排排辣椒嘅裝飾🤪事不宜遲，坐低左就即刻睇Menu睇吓嗌咩嘢食好～ 非常鍾意佢可以半份半份配料咁揀，咁就可以食多幾款野啦😊揀嘢食嘅時候，店員首先拎左紅棗雪耳糖水黎，用處大概係等我哋食辣野嘅時候對個胃冇咁刺激～ 個糖水唔會太甜，唔錯呀😊首先湯底方面，揀咗要鴛鴦鍋，一半係普通辣湯、一半係大骨滋補湯～ 配料方面夾夾埋埋總共叫咗12樣。湯底同嘢食都好快就上枱！眨吓眼就齊晒，可以開始食啦🥢🥢普通辣湯都真係唔講得少，入面都有好多辣椒同埋花椒🤪🤪 所以其實都幾辣🤣🤣🤣 不過佢辣得黎唔會有種灼熱嘅感覺，而係覺得好香、麻味都好香～ 至於大骨滋補湯，味道都好濃，入面仲有粟米增加左甜味～肉類叫咗肥牛、羊肉卷同埋黑豚腩肉。根據Menu所講牛同羊都係煮5至10秒就食得啦，黑豚腩肉都淨係需要1分鐘就可以😋 肉類同辣湯底嘅香味好配合，加埋佢有個麻油，真係好香！白鱔肉夠爽口！凍豆腐好吸湯！所以我哋都淨係放佢落大骨滋補湯度😂😂 再最後係辣湯浸一、兩秒，咁就都可以有d
黎到門口就見到一排排辣椒嘅裝飾🤪
事不宜遲，坐低左就即刻睇Menu睇吓嗌咩嘢食好～ 非常鍾意佢可以半份半份配料咁揀，咁就可以食多幾款野啦😊
揀嘢食嘅時候，店員首先拎左紅棗雪耳糖水黎，用處大概係等我哋食辣野嘅時候對個胃冇咁刺激～ 個糖水唔會太甜，唔錯呀😊
首先湯底方面，揀咗要鴛鴦鍋，一半係普通辣湯、一半係大骨滋補湯～ 配料方面夾夾埋埋總共叫咗12樣。湯底同嘢食都好快就上枱！眨吓眼就齊晒，可以開始食啦🥢🥢
普通辣湯都真係唔講得少，入面都有好多辣椒同埋花椒🤪🤪 所以其實都幾辣🤣🤣🤣 不過佢辣得黎唔會有種灼熱嘅感覺，而係覺得好香、麻味都好香～ 至於大骨滋補湯，味道都好濃，入面仲有粟米增加左甜味～
肉類叫咗肥牛、羊肉卷同埋黑豚腩肉。根據Menu所講牛同羊都係煮5至10秒就食得啦，黑豚腩肉都淨係需要1分鐘就可以😋 肉類同辣湯底嘅香味好配合，加埋佢有個麻油，真係好香！
白鱔肉夠爽口！凍豆腐好吸湯！所以我哋都淨係放佢落大骨滋補湯度😂😂 再最後係辣湯浸一、兩秒，咁就都可以有d香辣味🤣 血旺、即係我地平時食嘅豬紅，幾結實，個人覺得佢配辣湯好味啲👍🏻 曉宇苕粉，類似平時食既薯粉，幾有咬口～
另外仲嗌咗手打丸同埋佢個特色迷你燕餃～ 幾鍾意佢個燕餃，味道唔錯。
菜就嗌咗油麥菜，另外仲要左個現炸豆皮。 原來好大塊😆 同樣地好吸汁，先係大骨湯煮熟，再係辣湯浸一、兩秒，唔會太辣之餘又吸到辣既香味👍🏻
除咗火鍋配料，仲嗌咗個小食-重慶炸酥肉～ 見到個炸酥肉有啲花椒黐住，食落香口！
整體來講，「渝味曉宇」環境都幾舒適，幾鍾意佢個湯底，食完都唔會話覺得好重味精嘅感覺。鍾意食重慶火鍋嘅朋友可以一試啊！😉
Post
