Video
Read full review
2024-07-11
232 views
因為一大班同學於舊店食過，覺得食物質素唔錯，於是襯新店而且大家都想食生蠔🦪🦪今次再去順便慶祝完Sem7:30pm booking, 7:10pm左右到達，可能因為閑日關係，客人唔算多，剛剛坐低嘅時候，餐廳只有兩名女侍應喺我哋枱嘅附近，亦無主動上前招呼，枱上面亦只有一份餐牌，但係我哋booking 10位，一張長枱其實一份餐牌真係唔夠，最後都係要自己主動叫佢哋俾多份。見到餐廳menu最近做緊一個六折生蠔優惠，我哋就更加開心，決定先食蠔再試其他嘢食。因為慶祝關係帶咗3支酒去開(開瓶費$200支)，亦未齊人所以叫咗兩個Starter食住等，到大概7:45pm終於齊人，一位男侍應上前幫我哋雪酒，同我哋講如果order餐廳供應既酒可以Waive開瓶費，我哋都係先飲咗我哋帶去嘅先，之後如果唔夠再決定要唔要餐廳嘅酒齊人之後開始不停討論order邊款生蠔，男侍應主動遞上一部tablet，上面係生蠔嘅Menu，顯示咗四五個地方嘅蠔，男侍應亦都有推介日本既蠔，我哋決定先揀兩款日本生蠔同一款朋友介紹嘅法國蠔試吓口味先，之後第二輪再根據自己喜好叫，最後食咗3 round (total 52隻蠔) 再叫咗其他食
7:30pm booking, 7:10pm左右到達，可能因為閑日關係，客人唔算多，剛剛坐低嘅時候，餐廳只有兩名女侍應喺我哋枱嘅附近，亦無主動上前招呼，枱上面亦只有一份餐牌，但係我哋booking 10位，一張長枱其實一份餐牌真係唔夠，最後都係要自己主動叫佢哋俾多份。見到餐廳menu最近做緊一個六折生蠔優惠，我哋就更加開心，決定先食蠔再試其他嘢食。
因為慶祝關係帶咗3支酒去開(開瓶費$200支)，亦未齊人所以叫咗兩個Starter食住等，到大概7:45pm終於齊人，一位男侍應上前幫我哋雪酒，同我哋講如果order餐廳供應既酒可以Waive開瓶費，我哋都係先飲咗我哋帶去嘅先，之後如果唔夠再決定要唔要餐廳嘅酒
齊人之後開始不停討論order邊款生蠔，男侍應主動遞上一部tablet，上面係生蠔嘅Menu，顯示咗四五個地方嘅蠔，男侍應亦都有推介日本既蠔，我哋決定先揀兩款日本生蠔同一款朋友介紹嘅法國蠔試吓口味先，之後第二輪再根據自己喜好叫，最後食咗3 round (total 52隻蠔) 再叫咗其他食物同甜品，整體食物質素餐廳氣氛同環境都唔錯，大家都食得好開心，我哋最後亦都開多咗兩支餐廳既酒（$399/支)，waive咗之前既開瓶費。
傾吓傾吓已經飲到11點幾，大家第二日都要返工，所以就快快脆脆埋單 (total: $7,725) 。男侍應收錢嘅時候，順便遞上卡片(原來佢係餐廳經理)，話下次可以Reserve一間房俾我哋。
Check單既時候只係簡單睇咗食物齊唔齊同埋開瓶費有冇Waive，其他都冇仔細睇。(只怪自己太大意啦。😖)
因為都夜，返到屋企先至計錢，點知睇清楚張單發現所有生蠔都冇discount 到，然後check返Menu同單上面既item，原來男侍應俾我哋睇既tablet上面嘅生蠔同print out menu既蠔大部份都唔同，我哋order嘅只有一款法國蠔係可以參與優惠，但係成個過程男侍應係冇提過點樣用個優惠，我返到屋企仔細睇先至發現原來餐廳嘅優惠係 每位客人點兩杯紅/白酒，print out menu上面嘅生蠔就可以用六折order。
好失望同無奈，如果我哋order既生蠔真係完全同做緊優惠既唔同，咁只能夠話我哋自己冇睇清楚，但係我哋有一款法國蠔(叫咗九隻)係能夠參與到優惠，點解男侍應隻字不提？而且原來每位order兩杯紅酒或者白酒，咁我哋其實都夠飲，根本無需要再額外開多兩支酒!
感覺男侍應有心隱瞞，estimate過一次我哋叫嘅item，就算開瓶費照計，生蠔promotion全部揀晒最貴嘅嗰款計discount，個difference都有$700咁多。感覺好差，而且嗰位男侍應仲要係經理，理應好清楚餐廳做緊嘅promotion，亦都有義務同每一個客人介紹，當然明白我哋全部人都有責任問清楚，所以希望大家光顧嘅時候，唔好好似我哋咁，記得睇清楚同問多幾句。😣🥹🥹
Post