S2 Kitchen (Moved) New Location

之前中午黎過呢度一次，因為最近有幾個係附近番工既朋友都推介呢間餐廳，所以今日特登再黎食多一次。呢度佈置好有日式FEEL，廚房全開放式，俾到食客對於衛生十足既信心。呢度午餐好多選擇，有成大概十款set lunch，既有魚生刺身之類，又有煎魚呢類熟食。套餐包左沙津、麵鼓湯同哈密瓜，非常豐富，其中要提一提佢個哈密瓜，好甜好多汁，好高質。主菜我揀左溫泉蛋櫻花角切魚生飯，魚生份量好多，好新鮮，入面仲有好多黑松露醬，加埋櫻花蝦，口感好豐富，好有驚喜。價錢仲一d都唔貴，俾錢先知依家做緊7折優惠。