一盅點心

Open Now

Now Closed

一盅點心📍長沙灣青山道152號地舖今日同朋友去長沙灣青山道飲夜茶，呢間點心專門店特別有一點心名為世一燒賣拼盤，據我所知全港最多燒賣種類嘅點心專門店非［一盅點心］莫屬。世一燒賣拼盤有十二種不同燒賣，有懷舊、鮑魚、鵪鶉蛋、蕃茄、爆汁墨魚、芫荽馬蹄、梅菜扣肉、乾蒸牛肉燒賣八種唔辣燒賣各有千秋，另外四種辣燒賣係花椒辣、麻辣牛肉、泡椒及黑椒墨魚燒賣都有啲辣度，刺激得嚟惹味。另外我們還點了筍尖蝦餃皇有蝦有筍新鮮爽口彈牙，醬皇蒸鳳爪好入味，秘製牛柏葉夠爽脆、黑椒金錢肚醬汁濃郁金錢肚淋滑，春風得意腸腸粉包住中間脆網再包蝦仁，多重口感加上蟹籽更提鮮，五柳鮮蝦炸雲吞炸得啱啱好脆皮，甜酸醬好好味道。一盅點心專門店製作嘅點心用料新鮮，各種點心都有突出之處，而且有創意，為食客帶來驚喜。