渝味曉宇重慶老火鍋 (QRE Plaza) (Closed) View

40度都阻唔到香港人喜愛打邊爐既，況且麻辣火鍋越辣越過癮，我最愛既渝味曉宇重慶老火鍋就熱一熱都要去，今眉去左灣仔QRE PLAZA店，地點方便又容易搵。而家點餐只需掃一掃QR Code便可以喇，好環保，我地2人都唔係食得好多野，就叫左美國安格斯優質肥牛、手打蝦滑、韮菜豬肉餃、萵筍條、珊瑚蚌、現炸豆皮、今期仲有本月推介~鮮活海蟶，我地都唔執輸叫左半份。呢度有樣好，唔使下下叫大大碟，有半份叫，可以試多幾款美食。2個人有傾有講咁都唔錯，呢度唔算迫，極度有空間感，設計有別於其他火鍋店，而且抽氣好好，如果覺得食完有浸味，門口仲有衣物除味劑比大家用，仲有酒精紙提供，真係食得安心又放心。