441
5
2
| Restaurant: | Xiao Yu Hotpot Restaurant (QRE Plaza) |
|---|---|
| Offer: |
Have you thought of earning Miles through dining? Book table and earn Miles now! Mon: HKD1 = 1 Mile, Tues – Sun: HKD2 = 1 Mile! (Remember to say “Miles, please” when you pay the bill!) T&C apply. |
Not an Asia Miles member? Join Asia Miles now and start earning Miles today! |
|
|
Terms & Details:
|
|
|
|
Introduction
The interior décor of restaurant is simple and comfortable, featuring Chongqing hot pot, offering the famous Jiugongge spicy hot pot in Chongqing and also the double- flavor hot pot. It also offers hot pot at the afternoon time and the noodle dished of Chongqing flavor.
continue reading
Opening Hours
Today
12:00 - 22:00
Mon - Sun
12:00 - 22:00
Public Holiday
12:00 - 22:00
Public Holiday Eve
12:00 - 22:00
About Reward Scheme
Offers
| Restaurant: | Xiao Yu Hotpot Restaurant (QRE Plaza) |
|---|---|
| Offer: | Mon: HKD1 = 1 Mile, Tues – Sun: HKD2 = 1 Mile! (Remember to say “Miles, please” when you pay the bill!) T&C apply. |
Not an Asia Miles member? Join Asia Miles now and start earning Miles today! |
|
|
Terms & Details:
|
|
|
|
Recommended Dishes
疫情下只可以兩個人食及沒有晚市堂食，好耐都冇得打邊爐，所以便特登過來灣仔食個快打邊爐午餐。由於特登過來，所以沒有叫一人鍋。想享受一下打邊爐的樂趣，便叫了散叫的食物。疫情下午餐都很多人過來食，但是枱與枱之間都隔得好開，一點兒也不覺得擠迫，特別覺得安全。唯一可惜的，員工實在唔夠，看見他們走來走去，十分忙碌。午餐的湯底是免費的，我們叫了一個鴛鴦麻辣鍋加山珍菌湯，一辣一唔辣。因為怕重慶的麻辣超辣，所以叫了普通辣，好彩不是太辣，10分享受。食材方面，我們叫了美國安格斯優質肥牛半份，鴨血半份，鮮黃喉半份，手打墨魚滑半份，凍豆腐半份，白鱔半份，田園菜籃一客，曉宇笤粉半份，美國桶肥𧐢半份，鮮鵝腸半份及牛心掟半份。所有食材都好新鮮，美國桶肥𧐢實在好大隻，好鮮甜及肥美。鮮黃喉好新鮮亦香脆，十分爽口。第一次食牛心掟，不覺得好特別，沒有多大味道。墨魚滑就不太好出色，沒有廣東式打邊爐的爽脆彈牙。鮮黃喉會有溫馨提示你只是放10秒便要拿起，如果不是會太老。最窩心的就是有一個雪耳糖水送，糖水好好味，十分滋潤。打邊爐前送給你吃，等你滋潤一番才吃打邊爐。唔知點解，食完之後唔覺得好頸渴，不知道是不是因為這個糖水的原理。食完一餐下午打邊爐，大滿足！
continue reading
凍冰冰嘅天氣，比起穿得厚厚重重，B仔更喜歡食返個熱騰騰嘅麻辣火鍋，這種保暖的方法感覺來得更爽更快樂。愛吃麻辣火鍋的朋友，對這間重慶火鍋店應該都不會陌生。由於午市有免費湯底，所以我次次黎食，都幾乎是午市時段，而且每次還都是選鴛鴦麻辣鍋，一辣一唔辣，味道平衡得啱啱好。（今次的鴛鴦選了重慶普通辣配皮蛋香菜）鰻魚(白鱔) 白白嫩嫩的外表，令人一見傾心，雖然份量不算太多，但質素確實是扛扛的，非常鮮美。鴨血：對於B仔來說，麻辣火鍋沒有鴨血，就好像食炸雞沒炸雞皮那樣😂，有種很有遺憾的感覺。所以鴨血也是我每次都必點的東西，而且還要一開始就扔進去，到最後才吃，那才是最入味的。手打蝦滑：彈滑俱備的蝦滑，在清湯裡面是粉粉紅紅，鮮鮮甜甜的，而放在麻辣湯裡面之後，整個味道就會變得截然不同，一口下去，盡吸辣汁的蝦滑會令你爽得感覺身體每一個細胞都興奮得舞動起來。重慶耗兒魚：必叫之選，主要係香港好少有，肉質唔會好柴，幾滑，同麻辣味好夾紅糖慈粑：黏黏糯糯嘅質地，甜甜蜜蜜嘅紅糖汁、入口暖暖地又軟軟的，飽肚滋味，作為收結非常滿足。
continue reading
先講鍋, 呢到鍋湯底必定要選麻辣既, 可以再另外加一個唔辣, 方便有D唔太食得辣既人.因為到既麻辣鍋好痴身, 所以會越食越辣, 尤其水份越黎越少時, 更加辣.曉宇嫩牛肉 (82$HKD) 必點菜式黎, 基本上我係為左食佢先黎, 牛肉好軟,好爽口, 大件, 唔洗點任何醬, 就咁食已經十分好食,牛肉本身好滑底, 有時你直頭夾唔起佢上來都會! 主要係嫩滑. 一定要試!angus 半份 (119$ hkd) 呢個angus 其實我覺得牛味係重, 但爽口程度好似差dd, 同我平時出面食既angus 有點不同,如果同嫩牛肉比起上來, 我覺得嫩牛肉出色D.新菜式黎, 小臘腸(26$ HKD) 似係新菜式, 份量小小地, 要煮熟的, 味道係好似食空心管咁, 中間係爽口, 味道唔算太重煙燻味,當小食, 食數條幾好味的.食火鍋我中意叫D烏冬Balance 下d肉, 建議唔係特別食得辣既話唔好放麻辣到煮,因為呢到烏冬好吸油, 你會吸晒d麻辣油, 驚你好痴喉嚨. 如果真係好中意食辣, 可以煮熟後放麻辣湯過一過即可.整體服務 體驗都無咩問題, 食物質素都同價錢合理.
continue reading
之前食過佢地lunch既湯麵覺得幾好食，一直都想試下佢地既火鍋，呢排天氣轉涼即刻約朋友黎食!.我地都算早到，餐廳未有好多人，所以可以坐到卡位座位。如果有得揀記住要坐卡位，會食得舒服D😊餐廳有提供圍裙、口罩袋同衣物除味噴霧，十分貼心。我地叫左鴛鴦麻辣鍋，一邊係重慶普通辣，一邊係皮蛋香菜，味道各有特色。我唔算食得太辣，所以普通辣對我黎講已經好足夠! 呢到既麻辣湯好香，麻度、辣度同咸度都啱啱好，好食。皮蛋香菜湯都有驚喜wor! 個湯底清得黎好夠味，仲有好多塊皮蛋食，用黎烚菜食，食得健康D haha落完單，店員會先上每人碗紅棗雪耳冰糖糖水，唔算太甜，幾好食。我食淨左一半，留番之後解辣用，解完辣又可以再食過😎因為我地得2個人食，所以都怕每樣野食太多食唔晒，但呢到好好，基本上全部野食都有半份叫，所以我地可以試到好多野食😋- 美國安格斯優質肥牛、紐西蘭精品羊肉卷兩碟肉都食得出好新鮮，值得一讚。肥牛比起平時出面食既厚切D，但因為油份分佈平均，所以烚完唔會軔，牛味都算幾濃，好食。羊肉卷就係正常薄切，涮一涮就食得，肉質嫩而唔羶👍- 手打蝦滑、特色迷你燕餃、牛筋丸蝦滑打得夠時間有起膠，味道鮮味，質地夠爽口彈牙，唯一美中不足係蟹籽放左係面，落蝦膠既時候要自己平均D分番D蟹籽，唔係就會好似我地今次咁有D有蟹籽，有D無😂特色迷你燕餃我覺得係必叫既，好好食，迷你size一啖一隻，燕皮嫩滑，都算有幾多餡，我覺得餡料帶甜味，幾好食。餐廳會俾個專門涮燕餃既撈勺大家，咁就唔洗擔心搵唔番D燕餃啦 haha牛筋丸我都覺得係必叫，牛筋丸入面都有湯汁，食落彈形夠juicy!- 田園菜籃、重慶炸酥肉田園菜籃入面有生菜、娃娃菜、金菇同西洋菜，半份份量兩個人食，啱啱好。重慶炸酥肉係熟既，可以即食/用黎點一點辣湯食，口感有D似平時既炸肉排。我覺得點辣湯食會濃味D好食D。- 鴨血、曉宇苕粉食麻辣點可以無鴨血! 鴨血夠大塊容易夾起，質地都算嫩滑，吸晒麻辣湯之後好惹味。曉宇苕粉係平時食開既寬粉，都係食麻辣必叫既! 不過，記住唔好煮太耐，煮太耐會開始溶，好難夾起同口感無咁好。- 曉宇手打四寶丸四寶丸分別係蝦丸、牛肉丸、墨魚丸同豬肉丸，四粒都好彈牙。- 大刀牛肝呢個比想像中好食，牛肝無腥味，加左蛋黃口感更嫩滑，食落口感粉粉的，幾好食。
continue reading
新冠肺炎關係, 好耐都冇打過邊爐了近排見疫情有稍為緩和嘅跡象即約frd一齊去過返個邊爐癮今次我地選擇左渝味曉宇位於灣仔QRE Plaze(即合和中心對面)嘅分店由於朋友事先有book位所以我地馬上就被安排入座然後侍應就為我地送上紅棗雪耳糖水, 滋潤胃部枱上有即棄圍裙, 枱底又有籃提供俾客人放隨身物品剩係貼心程度, 已值得一讚湯底方面,我地選擇左鴛鴦鍋蕃茄湯底配麻辣鍋中辣湯底配合我同朋友唔同嘅口味湯底味道濃郁, 用料十足隨住蒸氣飄來嘅香味令我地急不及待想馬上開餐食物方面, 我地選擇左美國安格斯優質肥牛, 鴨血, 黑豚腩肉,手打墨魚滑, 白鱔, 萵筍片,苕粉, 淮山條, 炸豆皮同凍豆腐。當中肥牛, 鴨血, 墨魚滑同苕粉係我當晚嘅至愛, 每樣都好有水準。肥牛鮮嫩,鴨血一D腥味都冇,非常易入口, 墨魚滑爽口彈牙, 苕粉口感特別, 食落似薯粉但更加煙韌,值得一試。最後, 我地點左一份紅糖糍粑做甜品, 甜甜糯糯嘅口感, 中和返火鍋嘅辣味。強烈推薦大家黎打完邊爐後, 都可以點一份黎試下。
continue reading