嵐橋丼飯專門店

Open Now

Now Closed

雖然離開了校園已經好耐，但係暑假假期心情不改，近排工作又唔係好忙，天天 hea 住過真快活，星期日約朋友行街街，夜晚大家想清清地食個海鮮飯，要食就要去專門店，我知道棉登徑附近有家新的叫嵐橋丼飯專門店，係旁邊嵐山料理的姊妹店，所以除了食丼飯外，其他居酒屋嘢食都會做得好，我哋多個選擇。免費送上麵鼓湯。先揀丼飯，日本直送喜之次丼，喜之次係貴魚，平日成過千蚊條，好少丼飯有得食。炙燒過，有兩件，真是超肥美。其實有七樣魚生，除了喜之次，有三文魚、金目鯛、蟹肉、三文魚子、海膽、牡丹蝦、帶子，之外仲有紫菜、有甜甜地啫喱幾有趣，非常豐富！另一款鰻魚二重丼十足滋味，兩款鰻魚，顏色不同，口感不同，一樣軟熟入味。關東煮都值得點，淮山魚卷及椰菜卷幾特別，比較清但好味。串揚做得非常好，炸得香脆，我哋試咗大露荀及豆腐，每款$25。