心之食堂 (Under Renovation)

帶朋友遊銅鑼灣，夜晚去咗time  square行街街， 朋友唔想喺time square裏面食連鎖店嘅餐廳， 想食啲特色同自家製啲嘅食物， 即刻諗起耀華街嗰度好多特色餐廳， 行到去百樂中心見到勁多人排隊， 研究咗門口啲水牌之後，決定去咗心之食堂試一試。我好欣賞佢呢度用環保菜單，客人可以喺膠片上面落order ，落完order擦咗去就可以循環再用。 菜單上嘅選擇大部分都係刺身，壽司，串燒及炸物為主， 都有十幾款飯類選擇俾你揀嘅， 不過呢度宵夜同朋友食串燒飲下酒都幾適合。我同朋友兩個女仔， 叫咗刺身串串，李小龍卷 ，心之火焰鐵板牛柳粒，大蝦天婦羅 ，三文魚茶漬飯 ，同埋芝士海苔蛋卷。呢度啲食物好精緻，完全係擄掠咗女仔嘅心。 你睇個刺身串串同埋李小龍卷咁精緻嘅擺設就知啦。 我哋叫咗兩款刺身串串，一個係黑松露帆立貝串(左)，另一個係洋風吞拿魚串(右)。 我不得不讚嘆佢呢度對食物嘅配搭同心思， 每一個串串外面都有一片薄到透明嘅青瓜片包住個刺身， 帆立貝本身味道較清淡，佢配咗個鹹香 黑松露醬上去， 而吞拿魚本身已好鮮味，佢好巧妙咁用咗芥末籽醬比較開胃嘅味道去配合佢， 兩款串串都好好食。李小龍卷個