華漢茶餐廳 (Closed) View

幫襯觀塘半山老牌茶記華漢晚餐, 叫左吉列豬扒飯, 包例湯同熱飲($56)!例湯先上,  比較家庭式, 似無加味精系列, 湯渣有冬瓜, 豬骨同雞腳, 味道較淡, 清清地亦算幾好!吉列豬扒即叫即炸, 等左十分鐘先奉上, 吉豬有兩大塊, 而且份量十足,差不多遮晒d白飯, 薄薄的麵包糠令豬扒炸得香脆, 非常可口, 呢個本地美食絕對可比美日本的吉列豬豚, 出名的咖哩汁水準則普通, 唔太突出, 不過會另上, 所以d汁唔會整林塊脆卜卜吉豬...奶茶夠熱, 而且亦香滑, 茶味同奶平衡得唔錯, 算有水準!整體水準亦高！賣$56真系抵食夾大件, 食得過!!