烏蠅館 (Kowloon Centre)

Open Now

Now Closed

黎到尖沙咀，又想食烤魚，睇食評見呢間唔錯，烤魚果然係出色。未食烤魚先食左個川式蘿蔔牛肉紅油水餃，咬落有爽脆蘿蔔餡，個汁幾惹味。招牌香辣烤魚，揀左最大嘅清江魚，可以揀辣度，亦可揀少油。上檯見到條魚真係幾大，店員話焗住煮6-8分鐘食得。一打開蓋，香氣撲鼻！食落香辣十足，魚肉新鮮有稍微香煎味道，皮帶有孜然粉得香料，連皮食仲惹味。食烤魚點少得寬粉、可樂同特飲！桂花蜂蜜、百香菠蘿汽水都係幾解渴嘅選擇。最後叫左香芋地瓜丸加薯格、桂花桃膠同桂花冰粉地瓜丸香口又煙韌有啲糯米粉香，糖水清淡，中和返烤魚嘅濃味好唔錯。