Video
Read full review
2017-10-13
168 views
茶餐廳喺香港係一件好普通嘅嘢嚟嘅，幾乎每一條街都會有，但係我想介紹畀你哋呢一間樓下冰室，名字聽起上嚟就好普通，但係食物非常有質素。 昨日我同朋友無意中就嚟到呢到，我哋都叫咗你平時大家都會食嘅炒蛋番茄牛肉通粉，先講雞蛋炒得非常嫩滑 ，加上新鮮嘅番茄，牛肉鮮嫩，肉汁鮮甜，調味得好配合，將一個普通嘅通粉都做得咁出色，係有質素嘅師傅先處理到。 佢個鹵水雞翼，其他地方一定食唔到這個味道，鹵水材料嘅香，味道嘅濃，食得出係落足材料，鹵水汁將整隻雞翼都鎖住，又入味，雞翼肉質又嫩滑。 另一款蛋治加吉列豬扒沙律 ，雞蛋係用上盛嘅蛋，材料好加上師傅嘅手勢梗係好食啦。 佢個吉列豬扒炸得非常鬆化，不會過火，咬開豬扒裏面啲肉汁好豐富，味道醃製得可口，外脆內軟，你一邊食脆卜卜嘅豬扒，一邊又可 食清新嘅沙律，口感非常豐富。 用真材實料炮製嘅上湯，濃郁雞湯浸在鮮嫩娃娃菜當中，非常可口。 叫得做冰室
昨日我同朋友無意中就嚟到呢到，我哋都叫咗你平時大家都會食嘅炒蛋番茄牛肉通粉，先講雞蛋炒得非常嫩滑 ，加上新鮮嘅番茄，牛肉鮮嫩，肉汁鮮甜，調味得好配合，將一個普通嘅通粉都做得咁出色，係有質素嘅師傅先處理到。
佢個鹵水雞翼，其他地方一定食唔到這個味道，鹵水材料嘅香，味道嘅濃，食得出係落足材料，鹵水汁將整隻雞翼都鎖住，又入味，雞翼肉質又嫩滑。
另一款蛋治加吉列豬扒沙律 ，雞蛋係用上盛嘅蛋，材料好加上師傅嘅手勢梗係好食啦。
佢個吉列豬扒炸得非常鬆化，不會過火，咬開豬扒裏面啲肉汁好豐富，味道醃製得可口，外脆內軟，你一邊食脆卜卜嘅豬扒，一邊又可 食清新嘅沙律，口感非常豐富。
用真材實料炮製嘅上湯，濃郁雞湯浸在鮮嫩娃娃菜當中，非常可口。
叫得做冰室，佢冰凍嘅飲品梗係冇得輸，我飲咗一個菠蘿冰，菠蘿新鮮清甜，果汁清香，涼冰冰嘅感覺，飲完令你心曠神怡。
仲有個忌廉紅豆冰都一樣咁出色,鮮忌廉香滑，配上大大粒嘅紅豆，甜味適中，唔係每處都做得咁用心。
Post
