Hing Kee Restaurant

我諗興記真係唔使我多介紹，係廟街煲仔飯兩大巨頭之一，不過唔知大家去到廟街會揀佢定係揀四季呢？通常四季都比較多人排隊，等既時間較長，主要係遊客，而食物質素比起好幾年前真係遜色左好多。相反我比較喜歡既係興記，咁多年來食物質素都比較平均，價錢亦較合理。



- 煲仔飯（章魚雞粒、腊腸排骨）
煲仔飯嘅質素其實好難keep，好似係飯既濕潤程度同飯焦既燶度都好難控制。今次既出品我覺得飯都唔錯，不過飯焦就多左少少同餸既醃料鹹咗少少，整體都算過得去。

章魚雞粒煲仔飯

臘腸排骨煲仔飯

- 蠔烙 （細）
呢個蠔餅真心唔算油，亦唔會太咸，蠔就唔多㗎啦，不過都勝在熱辣辣。

蠔餅（細）

- 蝦醬通菜
蝦醬其實煮咩菜都好食，夾通菜更加係，好惹味，空口食都唔會太鹹。

蝦醬通菜

整體來講，對於煲仔飯店黎講，呢度嘅收費絕對相宜，性價比都ok，不過就要忍受一下平民嘅進食環境同埋一般既服務態度啦。