Video
Read full review
2017-03-13
9462 views
在網上見不少關於這餐廳的好評, 想來已久, 今年籍着生日飯做借口就來品嚐一次, 雖然網上有一半人都說這餐廳難找又或者上山很攰之類的說法, 但我們由荷李活道那邊行過來感覺沒有太曲折就行到了,招牌同門口亦相當顯著, 晚上內裡光線比較暗, 拍照效果麻麻了,不過來是為了食不是拍照, 座位在出菜位附近都唔算太狹窄, 現場有菲藉歌手拌唱搵食, 先叫了兩杯酒,Strawberry Sangria $95因為是混合咗草莓汁好易入口,酒精度低, &Canais & Nubiola$70 同樣易入口, 兩杯酒的容量都相對的滿, 可見這餐廳老闆都算得上豪氣不太計較, 付上的橄欖有兩款, 兩種都幾好食, 沒有太搶嘅味道, 肉質也幾有咬口, 麵包是可以添那種,品種雖然只有兩種基本麵款(白麵包&麥飽)但也是有輕輕烤過的微熱, 麥飽那款尤其有麥香係鍾意食麵包嘅人的不二之選!GarlicShrimps $90 這個香蒜蝦在哪一間西班牙餐廳叫似乎都唔會失手,這個同樣係一攞埋嚟就已經陣陣蒜香, 蝦肉質地亦是爽脆口感只是蝦的鮮味就一般啦Sauteed Chorizo $80這裡份量大概是一條左右吧, 但這條腸的咸味實在有
Strawberry Sangria $95因為是混合咗草莓汁好易入口,酒精度低, &Canais & Nubiola$70 同樣易入口, 兩杯酒的容量都相對的滿, 可見這餐廳老闆都算得上豪氣不太計較, 付上的橄欖有兩款, 兩種都幾好食, 沒有太搶嘅味道, 肉質也幾有咬口, 麵包是可以添那種,
品種雖然只有兩種基本麵款(白麵包&麥飽)但也是有輕輕烤過的微熱, 麥飽那款尤其有麥香係鍾意食麵包嘅人的不二之選!
GarlicShrimps $90 這個香蒜蝦在哪一間西班牙餐廳叫似乎都唔會失手,
這個同樣係一攞埋嚟就已經陣陣蒜香, 蝦肉質地亦是爽脆口感只是蝦的鮮味就一般啦
Sauteed Chorizo $80這裡份量大概是一條左右吧, 但這條腸的咸味實在有點過了火位, 用來做沙鍋菜會更適合, 就咁烤炒的話吃不了太多,
Smoked Sardine Filet $80 煙沙甸魚柳第一次食唔知佢用罐頭定雪貨, 魚味幾重下不過因為放在一件多士上開二食落感覺有點唔夠喉, 如果多一件的話印象就可以深刻一點了, 無論係件多士又或者係那半絛魚柳都絕對值得推介一人食一份!
Mushroom Croquettes $110這個也是傳統西班牙菜式, 賣相亦很傳統, 這個蘑菇做的丸雖然比較上貴但有四粒同時一咬下去完全感覺到內裡粉很少,主要是蘑菇茸同時松露香氣四溢, 跟碟來的露絲馬利香草跟這小丸子一同享用如果能接受它那強烈香氣的話
Cocido Soup $90按文字介紹係又牛又豬又雞搞嘅湯但講到尾咪係一個雞清湯囉, 味道好似一個雞清湯, 所有豬牛都隱藏其後, 下次都係叫番其他湯感覺會合理一點囉!
Paper Salad $130 這是個我們食過嘅羊奶芝士之中最好食的一次, 燒過嘅面只是稍稍有焦色, 溫度係微溫, 口感幼滑配合新鮮的沙律菜, 沙律汁調較得淡淡地剛剛好配合微微騷的芝士, 一下子就吃完了這個美味嘅沙律,
Squid Ink Paella (for 2) $480 應該都算係傳統做法下嘅傳統味道吧! 因為吃過的西班牙海鮮飯經驗不多, 這裡的應該是中途入焗爐那種, 因為飯變得相當乾身, 鑊底同鑊邊的米粒基本同我們的煲仔飯的飯焦沒兩樣, 而這飯焦口感有差不多四成有多, 有胃痛的朋友唔建議吃這飯焦了, 墨汁煮成黑潻漆一片,墨汁是有香味但唔算好濃烈, 海鮮嘅蝦同尤魚仔都偏乾, 趁熱吃的話會效果好一點,
Red Deer Loin $380 這個鹿鞍係野味定係養殖我地唔清楚, 不過個肉做得好好, 中間嘅肉完全係剛剛好,肉質嫩滑配少少甜嘅紅酒汁, 紅酒汁內加入了一些莓類的汁液但分辨不出是木莓還是黑加侖子汁? 旁邊那四粒甜蕃薯茸又是相當高水準的原料做的, 這鹿鞍就真的是物有所值的一道菜!
飯後沒有再要甜品了, 而店方則送上兩杯甜酒, 不過睇嚟唔係個個客人都接受這甜味甚高嘅酒, 高酒精度加上甜味真的是比較非一般口味, 自己同太座都ok可以飲到, 但如果真的要收費則可免了,
由於有Live Band 氣氛相對是熱鬧的, 員工基本上是外籍人士, 上了年紀的居多但又正因為這樣十分明白待客之道且態度友善, 搵日有機會要來一試這店嘅Brunch!
Strawberry Sangria
$95
43 views
0 likes
0 comments
Garlic Shrimps
$90
65 views
0 likes
0 comments
Mushroom Croquettes
$110
42 views
0 likes
0 comments
Smoked Sardine Filet
$80
51 views
0 likes
0 comments
Paper Salad
$130
49 views
0 likes
0 comments
Cocido Soup
$90
32 views
0 likes
0 comments
Squid Ink Paella (for 2)
$480
44 views
0 likes
0 comments
佐飯吃的香蒜白醬同檸檬角
36 views
0 likes
0 comments
35 views
0 likes
0 comments
Red Deer Loin
$380
39 views
0 likes
0 comments
兩杯甜酒
29 views
0 likes
0 comments
Post
