黑門水產すいさん (棉登徑)

今次係第二次嚟到呢間黑門水產，上次食過覺得啲刺身同埋嗰啲各類型嘅日式燒烤都好新鮮同好食，所以再俾多次機會呢間餐廳滿足下胃口。呢個甲羅燒真係必點，啲蟹肉蟹子暗春蛋撈埋一齊燒嚟食，真係食到蟹肉嘅鮮味同埋其他配料嘅搭救，可以話係全晚最鍾意嘅一道菜。呢個都唔錯，可以揀生蠔或者帶子做個膽，再配合其他新鮮嘅三文魚子或者蔬菜😋呢個天婦羅蝦卷都有好多豐富嘅配料，食落好有層次同埋口感。刺身當然係新鮮，款式都幾多，下次可以再叫多少少。呢個雜錦海鮮燒就不過不失啦。呢個吞拿魚多士，適合想試吓新口味，由於今次係第二次嚟所以叫咗返嚟試吓，都OK嘅。食日本嘢叫個乳酸飲品，都幾夾。整體來講對呢間餐廳都滿意，應該會再次黎食。